Itaia 63:9 - Te B'aib'ara

⁹ E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Itaia 63:9 ပူးပေါင်းရင်းမြစ်များ

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Taian Areru 25:22

Te Atua, kamaiua am Botannaomata ae Iteraera man rawawatana ni kabane.

Taian Areru 78:38

Ma E nanoangaia ana Aomata te Atua. E kab'arai aia bure ao E aki kamateia. A bati ana tai n taotaona unna, n aki karokoa nanona.

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 19:4

“Kam bon noori b'aai ake I karaoi Ngai ae te Atua nakoia kaain Aikubita, ma arou ni uotingkami kaanga te ikare ngkana e uotiia natina i aoni baina ni kiba, ma ni uotingkami nako ikai nako Iu.

Te Otinako 33:14

E taku te UEA, “N na iringkami ma n anganingkami te rau.”

Te Otinako 33:15

Ao e manga kaeka Moote ni kaangai, “Ngkana arona b'a Ko aki iriira, ti butiiko b'a Ko na aki kanakoira man te tabo aei.

Itaia 43:1

Kanoan Iakob'a, Boni Ngai, ae I karikiko ma ni boboota ami botannaomata. Iteraera, ko na aki maaku. I a tia ni kamaiuko. I a tia ni weteiko n aram; ao ngkai ai au aomata ngkoe.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Taniera 6:22

E kanakoa ana anera te Atua ni kaini wiia raian n te aro b'a a na aki kaikoakai. E karaoa aei i bukina b'a E ataai b'a bon akea au bure, ao bon akea naba au kairua nakoim, te uea ae ko karineaki.”

Otea 1:7

Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

Ioera 2:18

E rangi n tabeaianga nanon te UEA i bukin te aba aei ao E nanoangaiia ana aomata.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

Ruka 15:5

Ao ngkana e reke, ao e uotia i aon angana, ni kim'areirei.

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 7:38

Boni ngaia are mena i buakoia aomata n te rereua. E mena ikekei ma ara bakatibu ao te anera are taetae nakoina n te maunga are Tinai; e anganaki taeka ni kamaiu b'a e na anganira.

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

1.I-Korinto 10:9

Ao ti na tai kataa te UEA, n ai aroia tem'angina i buakoia ngke a kataia, ao a tiringaki irouia naeta.

Te Tua-Kaua 1:31

Ao kam bon ataia b'a E boni kaawakiniira te UEA n taai nako ngke ti mena n te rereua, n aromi ngkana kam uouota natimi temanna.”

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 2:18

B'a ngkae E a tia ni maraki ao ni kaririaki, ao E boni kona ni buokiia akana kaririaki.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Tani Motiki-taeka 10:16

Ao i mwiina, a kanakoi bouanantin aaba tabeua, ao a moana taromaurian te UEA. Ni karokoa n tokina, E a aki kona moana te UEA n taratarai rawawataia.