Itaia 63:8 - Te B'aib'ara

⁸ E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Itaia 63:8 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Taian Areru 106:21

A m'anuoka te Atua are aia tia kamaiu, are E karaoi baika ab'ab'aki i Aikubita,

Te Otinako 14:30

Ao E kamaiuia Iteraera te UEA n te bong arei mai rouia kaain Aikubita, ao Iteraera a noriia kaain Aikubita ni wene ni mate i mataniwiin taari.

Te Otinako 24:7

Ao i mwiina, e wareka ana Tua te UEA n te b'anaa ae e korakora nakoia aomata, Ao a taku, “Ti na ongotaeka iroun te UEA ma ni karaoi b'aai nako ake E mwiokoira iai!”

Te Otinako 3:7

Ao E taku te UEA: I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia,

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 19:20

Aio are e na kauringiia kaain Aikubita ae e meemena irouia te UEA ae Moan te M'aaka. Ao a na buubutiia buokaia ngkana a reke n te kaangaanga, ao e na kanakoa temanna b'a e na kamaiuia mairouia aia kairiribai.

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 43:11

Bon ti te Atua Ngai; bon ti Ngai ae I konaa ni kamaiuko.

Itaia 43:3

Ngai te Uea, ae Atuam. I anga Aikubita, Itiobia, ao aonon Tieba b'a oneani mwiim.

Itaia 51:4

E taku te UEA: au Aomata ngkami ao au botannaomata! Ma ngaia are, kam na kakauongo raoi irou. E na karekea te rau au reirei ao e na oota nako kaanga te oota i bukin te botannaomata.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Itaia 64:9

Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

Otea 13:4

Ngai ae te UEA ae I a tia n riki b'a Atuami man te tai are kam mena iai Aikubita. Bon ti Ngai te Atua ae kam ataia, bon ti Ngaia ae e konaa ni kamaiungkami.

Teb'ania 3:7

Ao I taku b'a a nang tabeakinai man nanoni Au reirei nakoia, ma n aki kona ni m'aninga ake I a tia n reireia. Ma a manga waekoa naba n rairaki nakon m'akuri aika a buakaka.

Ioane 1:47

Ngke E nora Natanaera Iesu b'a e nakoina, ao aikai ana taeka i bukina, “Noria, bon te Iteraera ni koaua ae b'ab'aina te eti!”

I-Rom 11:28

I bukina ngke a rawa I-Iutaia ni butim'aea taekan te euangkerio, ao a riki b'a ana kairiribai te Atua i bukimi, ngkami aika tiaki I-Iutaia. Ma ngkai a teimatoa aroia b'a aomata ngaiia aika rineaki iroun te Atua, ao E bon tangiriia i bukiia aia bakatibu ake a kakannato.

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

I-Korote 3:9

E na tai kewe temanna nakon temanna ngkai kam a tia ni kaki te aro ni maiu ngkoa ma kateina,

1.Ioane 4:14

Ti a tia n noria, ao ti tataekinna naba b'a E a tia te Tama ni kanakomaia te Nati b'a te Tia Kamaiuia kaain aonnaba.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.