Itaia 63:7 - Te B'aib'ara

⁷ N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Itaia 63:7 ပူးပေါင်းရင်းမြစ်များ

1.Uea 8:66

Ao n te kawani bong, e a kanakoia aomata ni kabane nakoni mwengaia. A bane ni kabo, ao a nako ma te kukurei i bukini b'ai aika a raraoi aika E a tia ni karaoi te UEA i bukin ana Toro are Tawita ao aomatan Iteraera.

2.Rongorongo 7:10

Ao e a kaokiia aomata Toromon n te katebwi ma tenuan bongin te kaitiua n nam'akaina, A okirikaaki ma te kukurei i bukin b'aai ni kabane ake e a tia ni karaoi te UEA i bukin Tawita ao Toromon, ao i bukiia ana aomata aika Iteraera.

Neemia 9:25

A taui taiani kaawa aika a buubura aika a matoatoa ao taabo n ununiki aika a m'aiti taian aroka inanoia; a anai taian auti aika a taubobonga b'aiia, ao ai uana naba ma taiani nne n ran, ma taian nne n aroka ni kureebe, nne n aroka n oriwa, ao taian aroka aika a rangi ni m'aiti aika iai uaaia. A am'arake ni karokoa ngaeia raoi, ao a karaoa aia bootaki ni kukurei i bukin am kakab'aia ae moan te korakora.

Neemia 9:27

Ma ngaia are, Ko anga ngaiia nakoia aia kairiribai, ake a karaoa te m'akuri ae moan te buakaka nakoia. A buubuti buokaia mai i buakon rawawataia. Ko kakauongo nakoia mai karawa nakon aia tataro ko kanakoia taani kairiiri b'a a na kamaiuia i bukin am nanoanga ae e korakora,

Neemia 9:31

Ma Ko bon nanoanga man akoi, ma ngaia are, Ko aki roko n te m'aninga taekaia ke ni kamaunaiia.

Neemia 9:35

Ko kakab'aiaia ma te abanuea n te kaub'ai, ao marin te aba ae moan te korakora ma a bon rawa naba n taromauriiko ke n rairaki nako man te buakaka.

Taian Areru 103:2

N na karaoiroa te UEA ni maiu, ao N aki m'anuoki ana akoi ni bane.

Taian Areru 107:15

A riai ni kamoamoa te UEA i bukin ana ataataiaomata, Ao i bukini baike a kamimii ake E karaoi i bukiia.

Taian Areru 107:21

A riai ni karaoiroa te UEA i bukin ana ataataiaomata, Ao i bukini m'akuri ake a kamimii ake E karaoi i bukiia.

Taian Areru 107:31

A riai ni kamoamoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 107:8

A riai ni katituaraoa te UEA i bukin ana ataataiaomata, Ao i bukini baike a kamimii ake E a tia ni karaoi i bukiia.

Taian Areru 145:7

A na taekin arom aika raoiroi ni kabane, ao a na anene ni kim'areirei, n anenea taekan am akoi.

Taian Areru 25:6

Te UEA, ururing arom n akoi ma n tangira ake ko a tia ni kaotii ngkoangkoa.

Taian Areru 51:1

Te Atua, nanoangaai, b'a akea tokin am Atataiaomata! Kaitiakai man au bure, b'a e bati am Nanoanga!

Taian Areru 63:3

E raoiroi riki am Atataiaomata nakon te maiu, Ma ngaia ae I riai n neboiko.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taian Areru 92:2

Ao ai raoiroira te tataekina am Tangira n te ingabong ae koraki ao am Kakaonimaki ni katoa tairiki,

Te Otinako 18:9

Ao e rangi ni kukurei Ietero ngke e ongo baikai,

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 54:10

A na bane ni mauna taiani maunga ma tabuki. Ma N na teimatoa n nanoanga ao n akoi nakoim; N na aki urua au booraraoi are N na angan ami botannaomata te rau.

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 64:5

Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

B'aeb'aeti 3:32

Tao E na bon karawawataira, ma E bon teimatoa ao e korakora naba tangirara i rouna.

Otea 2:19

N na kariaia b'a ko na riki b'a buu n aki toki, ao tiaki te buu ae e kaboaki N na anganiko te motiki taeka ae riai, te eti, te tangira, te akoi,

Tekaria 9:17

Ai tangirakira. A na rikirake te roronrikirake ikekei n ai aron te uita i nanon te rereua ke te kureebe i nanon te nne n aroka ni kureebe.

Mataio 7:11

Ngkai kam ata te anganiia natimi baika raraoi, ngkami aika kam buakaka, ao tiaki e m'aiti riki iroun Tamami are i karawa te kan anga baika raraoi nakoia akana butiia?

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Ebeto 2:4

Ma e rangi ni korakora nanon te Atua n nanoanga i bukin ana tangira ae bati are E tangirira iai;

1.Timoteo 1:14

Ma E rangi n akoi te Uea nako iu, ngke E anganai te onimaki ma te tangira ae ti b'ainna ngkai ti reitaki ma Ngaia.