Itaia 63:6 - Te B'aib'ara

⁶ I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Itaia 63:6 ပူးပေါင်းရင်းမြစ်များ

Iobi 21:20

Ana riai ni bon oreaki taani bure i bukin aia bure; a bon riai n namakina unin te Atua ae m'aaka.

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 75:8

E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Itaia 29:9

Kam na tiaoki ao kam na ntongitong, ngkami aika burabeti! Ao e na aki oota raoi ami taratara. Kam na koro ni manging mani bebebebe, ma tiaki mwiin te wain.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 34:7

Bon taiani kao aika a aki manana taani kairiiri i Etom. Bon taian kaom'aane aika a marurung, ma a na boni mate naba ma ake tabeman. Ane e na onrake abaia n raraaia ao e na maiu tanon abaia ni kiritin rab'ataia.

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Ieremia 13:13

Ao i mwiina, e taku nako ia: Bon te UEA Ngai, ao te b'ai ae N nang karaoia bon te b'ai ae e na karikiia kaain Iuta ma Ierutarem b'a aomata aika a onrake n te wain. Aika a na rangi ni buakaka riki mai buakoia bon taian uea ake kanoan Tawita ao ibonga ma burabeti.

B'aeb'aeti 3:15

Bon akea riki kanau mai rouna b'a ti te rawaawata ao te maraki.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.