Itaia 63:17 - Te B'aib'ara

¹⁷ E aera ngkai ko karaoira b'a ti na tannako mairoum, ara UEA? E aera ngkai ko karaoira b'a ti na aki tangiria n ongotaeka iroum? Taiaoka bita nanom! Bon am taani m'akuri ngaira, ao bon am aomata ni koaua ngaira.

Itaia 63:17 ပူးပေါင်းရင်းမြစ်များ

Taian Areru 119:10

I kekeiaki n toro iroum ma nanou ni koaua; Kawakinai man riaoan am Tua.

Taian Areru 119:36

Angan nanou te kan ongeaba nakon am Tua, Ma tiaki te mataai ni kanib'aib'ai.

Taian Areru 141:4

Ko na tukai mani kani karaoan ae buakaka, ao man raonakiia akana buakaka ni karaoi m'akuri aika bubuaka. N na aki am'arake ma ngaiia n aia tai ni bootaki.

Taian Areru 80:14

Te Atua are Moan te M'aaka, Ko na rairaki n okirira! Ko na taraira mai karawa; nako mai ao buokiia am Botannaomata!

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Te Otinako 11:10

Ao a karaoi taian kakai Moote ma Aaron i matan te uea, ma e bon kataningamatoaa te UEA, ao e na bon aki kanakoia Iteraera b'a a na kiitana abana.

Te Otinako 4:21

Ao E taku te UEA nakon Moote ngke e tabe ni m'ananga i aoni kawaina: Ngkana ko roko i Aikubita, ko na nakon te uea ao ko na karaoi am kakai ake I a tia ni kaoti nako im. Ma N na karaoia b'a e na rangi ni taningamatoa n te aro are e na rawa ni kanakoia au aomata.

Itaia 19:25

Ao i mwiina anne, e na kakab'aiaia te UEA ae Moan te M'aaka ni kaangai, “Bon au aomata kaain Aikubita. I karikiia kaain Aturia ao I rineia Iteraera.”

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

B'aeb'aeti 3:9

E a bua kawaiu; A tuukai atiibun te oo n taabo nako ake i nako iai.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Warekaia Iteraera 10:36

Ao ngkana a manga motirawa ma ni katei aia auti n rianna, ao e a manga tataro Moote ni kaangai, “Ko na aki kararoako mai rarikiia Am aomata aika nga ma nga.”

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

Te Tua-Kaua 2:30

Ma e rawa Taion ni kariaia b'a ti na ri nanon abana, i bukina b'a E boni karikia te UEA b'a e na taningamatoa, ma ni ingainga ni kan buakaniira.

Iotua 11:20

Bon te UEA ae kataningabonoia ma ni kakorakorai nanoia ni kan buakaniia Iteraera b'a aonga n tiringaki n akea te nanoanga ma ni kamaunaaki i rouia aomatan Iteraera n ai aron ana taeka te UEA nakon Moote.