Itaia 63:16 - Te B'aib'ara

¹⁶ A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 63:16 ပူးပေါင်းရင်းမြစ်များ

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

Iobi 14:21

E ngae ngkana e a manga reke te karineaki i rouia natiia m'aane, ao bon akea naba te b'ai ae ataia ke ni kakeaki karineaia.

Te Otinako 4:22

Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

Te Minita 9:5

Ti ataia b'a ti na boni mate, ma ngkana ti mate, ao ti bon aki ataa te b'ai teuana. Bon akea te b'ai ae e raoiroi ae e na riki nakoira, ti nako ao e a m'aninga naba te aba taekara.

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 29:22

Aikai taeka aika e na taekin te UEA are e kamaiuia Aberaam i bukin kanoan Iakob'a: “Ane a na aki manga mamaa ao ni b'ainrang.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Itaia 41:8

Iteraera, bon au tia m'akuri ngkoe ae e rineaki, ana utu raoraou are Aberaam.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 45:11

Bon te UEA Ngai, te Tia Karikib'ai, Atuan Iteraera ae E tabu. Ko na kataia n titirakinai i bukin au botannaomata ke i bukin te b'ai ae I a tia ni karaoia?

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Ieremia 3:23

Ti taromaurii bouannanti i aon taian tabuki ao e korakora karongoaara, ma bon akea manenaia boni Ngkoe ae Ko konaa ni kamaiura.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Mataio 6:9

Aio ngkanne aron ami tataro: ‘Tamara are i karawa, E na tabuaki aram,

Ioane 8:41

Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

Te Tua-Kaua 14:1

Kaain Iteraera, bon Ana ataei te UEA ngkami, ma ngaia are, ngkana kam tang i bukin te mate, ao kam na aki korokoroi rab'atami, ke ni koromarai moan atuumi.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.