Itaia 63:12 - Te B'aib'ara

¹² E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Itaia 63:12 ပူးပေါင်းရင်းမြစ်များ

1.Uea 8:42

b'a ane a na ongo aram ma m'aakan baim aomata, ao ane a na tataro nakon am Tembora.

Neemia 9:10

Ko ataia b'a a tia Uean Aikubita ao ana mataniwi ma ana botannaomata n kateibuaka nakoia am aomata. Ma ngaia are, Ko karaoi kakai aika a kakamaaku ni kaaitaraia kaain Aikubita ao Ko a manga karekea kinaakim are e bon teimatoa.

Neemia 9:11

Ko bwenaua taari are e nano ao a m'ananga am aomata i nanona i aon te tabo ae e m'au. Ma Ko kab'akaia aia kairiribai i nanona, ao a inako rikaaki n ai aron te atiibu ae e rawaawata.

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 15:16

A taonaki n te maaku ae moan te korakora. A noora korakoran te UEA, ao a tei n akea angin nanoia i bukin te maaku ni karokoa banen raoi am aomata ni m'ananga i rarikiia ake am aomata ngkoa ake Ko kainaomataia man te toronaki.

Te Otinako 15:6

“E kakamaaku m'aakan baim are te atai te UEA, e urua te kairiribai ni kamaerikirikia.

Te Otinako 6:6

Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki.

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 43:16

Boni Ngai are I katabwena te kawai i nanon te marawa ae korakora.

Itaia 44:27

Bon Ngai ae I baairea taari ma karaangana nako b'a a na m'autakataka.

Itaia 51:10

Bon tiaki ngkoe ngkoa are ko kaoraa taari are e nano ao ko karaoa te kawai i bukiia am Aomata are a na toua ma ni kaawakinaki raoi iai i nanona ni karokoia n iterana are teuana?

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Ieremia 31:32

E na bon kaokoro ma te boraraoi are I karaoia ngkoa ma ami bakatibu ngke I kaotinako ia mai Aikubita. E ngae ngke Atuaia Ngai, ma a bon urua naba te boraraoi anne.

Ieremia 32:20

Ko kakannato i bukin Am m'akuri aika a kamimii i Aikubita, ao Ko bon teimatoa ni karaoi i aon Iteraera ao ai uana naba n taabo nako n te aonnaba.

Ieremia 32:21

Ko kakamaakuia kaain Aikubita n am kakai, ao Ko arora baim ae e korakora ni kamaiuia Am aomata aika Iteraera mai Aikubita.

I-Rom 9:17

B'a E kaangai te Atua nakoni B'arao n te B'aib'ara, “I karikiko n uea i bukin aei: b'a N na kaota m'akau i roum, ao b'a e aonga n ataaki arau i aonnaba ni bane.”

Iotua 3:16

ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.