Itaia 63:10 - Te B'aib'ara

¹⁰ Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Itaia 63:10 ပူးပေါင်းရင်းမြစ်များ

Karikani B'aai 6:6

ao moan te rawawata nanona i rouia ngke bon tiaki arei bukin karikaia nako aon te aonnaba. Ao E rangi n rawaawata nanona iai.

2.Rongorongo 12:2

Ma ngaia are, n ana kanimaua n ririki n tautaeka Reoboam, ao e a katuaiia te UEA i bukin aia aki kakaonimaki ao e kariaia uean Aikubita are Titiaka b'a e na buakana Iuta.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Neemia 9:29

Ko kauringiia b'a a na rairaki nakoim ao a na kunea te maiu ni koaua ngkana a ongotaeka nakon am tua nako. Ma a bon rangi n rawa ao a teimatoa ni kaakaraoa te bure.

Taian Areru 106:33

A kabonoa nanona n te aro are e a taetae iai n te aro ae aki riai.

Taian Areru 107:11

B'a kioina ngke a rawa nakon ana taeka te Atua are Moan te M'aaka, Ao a riba ana taeka n reirei.

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Taian Areru 78:17

Ma a aki toki ni bubure nakon te Atua are Moan te M'aaka, Ao a rawa ni kan aan-taeka i rouna n te rereua.

Taian Areru 78:21

Ngke E ongo te UEA aia taeka aikai ao E un; E ekinakoaia nakoia ana botannaomata n te ai, ao e rikirake unna nakoia,

Taian Areru 78:40

Ai batiraa aia tai n rarawa ni kan aan-taeka i rouna n te rereua! Ao m'aiti ra te tai ae a kananokawakia iai!

Taian Areru 78:49

E kariki rawawataia ae bati ngke E kaota nakoia unna ma bonon nanona ae moan te korakora; Ao a atongaki arona aikai ngkana a roko b'a ai aroia taan ua-rongorongo aika roko b'a a na tiritiri.

Taian Areru 78:56

A kataa naba te Atua are Moan te Rietaata, Ao a rawa ni kan aan-taeka i rouna; A aki ongeaba nakon ana tua,

Taian Areru 78:8

A na aki katotongiia aia bakatibu, ake te roro n aki ongotaeka ma n rawa ni kan aan-taeka, Ake a tuai man nene onimakinan te Atua irouia, Ao a tuai naba n teimatoa ni kakaonimaki nakoina.

Te Otinako 15:24

Ao a ngurengure aomata nakoni Moote, ao a taku, “Tera ngkai ae ti nang mooi iai?”

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Te Otinako 23:21

Ongotaeka raoi nakon b'aai nako akana e na tuangkami te anera, b'a I anganna te m'aaka ni kabane, ao e bon aki konaa ni kariaia te kamangao.

Te Otinako 32:8

A tia ni kaman katoka ongotaekaia i Rou: a tia ni karaoa aia bouannanti ae bannan te kao te ataei. A bobaraaki nako ina, ao a angakarea nako ina, ao a taku b'a te anti arei are e kaotinakoia mai Aikubita.

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Ieremia 21:5

Ma ngaia are, N na arora baiu ae e korakora ni buakaniko ni bon ti Ngai. A kamanenai taian kainiwai ao kabaang am taani buaka ni buakaniia kaain B'aburon, ma N na karaoa ami b'ainibuaka b'a a na manga bon buakaningkami.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 32:30

N rongorongoia Iteraera ma kaain Iuta mai moana, a bon aki kakukureiai ao a kaunai n te b'ai are a tia karaoia.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

B'aeb'aeti 1:20

Te UEA, an tarai rawaawatau ma korakain tamneiu! E a uruaki nanou i bukin rawaawatau n au bure. A m'aiti m'akuri n tiritiri n te kaawa, ao taian mate naba i nanon auti.

Etekiera 16:43

Ko kaunai ngke ko karaoi baika a rangi n ribaaki aikai ni kabane ao ngke ko m'aninga arou ngke I tararuaiko ngke ko uarereke. Ao i mwiina, ko a manga kabuakakaai riki ngke ko a manga riki b'a ainen mataawa. Ko bon riai ni katuaaeaki! Bon aei au taeka Ngai ae te UEA ae te Atua.

Etekiera 2:3

Etekiera, I kanakoko nakoia Iteraera. Ti te bo aroia ma aia bakatibu aika a kakaitaraai ao a aki tangiria ni katoka aroia arei.

Etekiera 2:7

ao ko na taetaekina Au taeka nako ia, e aoria ngkana a taku b'a a na ongora ke a na aki.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:21

Ma a bon kamangao naba naati nako iu. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. E a rangi ni maraki nanou ao I a baaireia b'a N na katuaaia i nanon te rereua.

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Etekiera 6:9

Ike a na tauaki b'a buure. Ane a na uringai, ao a na ataia ae a tia ni kab'ainrangai ngke a kakaitaraai ao ngke a taromauriia taian bouannanti. Ane a na ribaia i bon irouia i bukin m'akuri aika a buakaka aika a tia ni karaoi,

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

Te Tua-Kaua 1:26

Kam rawa n rin n te aba, ao kam rawa naba n ongotaeka iroun nakon te UEA ae Atuami.

Te Tua-Kaua 9:7

Kam na aki m'am'aninga aromi ngkoa ni kakaitaraa te UEA ma ni kakaunna n taai nako ngke kam mena i nanon te rereua. Kam a boni kakaitaraa naba ni moa mangke kam kiitana Aikubita ni karokoa te tai are kam roko iai ikai.

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,