Itaia 62:9 - Te B'aib'ara

⁹ Ngkai kam bon taiia ami uita ma te kureebe, ao kam na boni kana naba te kariki ma te nano ni kaaitau, ao kam na nima ami wain n au Tembora.”

Itaia 62:9 ပူးပေါင်းရင်းမြစ်များ

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Itaia 65:21

A na katei aia auti ao a na maekan; a na karaoi aia onaroka ao a na kanga uaaia.

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Ieremia 31:5

Kam na uniki taiani kureebe i aon maungan Tamaria ao kam na kukurei n taiani kureebe.

Etekiera 40:14

E anaa ab'akin te kawai n rin man tokin te kawai are e irariki, ao bon tebwiina te miita ab'akina.

Ioera 2:26

au Aomata, kam na am'arake ni karokoa kam rauaki. Ao ane kam na neboai i bukin b'aai aika a kamimii aika I a tia ni karaoi. Kam na aki manga kamaamaaeaki.

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.