Itaia 62:6 - Te B'aib'ara

⁶ Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

Itaia 62:6 ပူးပေါင်းရင်းမြစ်များ

Karikani B'aai 32:12

Uringnga are Ko berita ngkoa b'a Ko na kanakoraoi b'aai ni kabane i buku ma n anganai au kariki aika m'aiti aika akea ae kona ni warekia, kaanga ai aron m'aitin tanon mataniwiin taari.”

Karikani B'aai 32:26

Ao e taku te mm'aane arei nakon Iakob'a, “Kanakoai b'a e a ngaina.” Ao e taku Iakob'a, “N na bon aki kanakoko ni karokoa ko kakab'aiaai.”

2.Rongorongo 8:14

Ao e anganiia tib'angaia ibonga ao Kanoan Rewi Toromon n te Tembora, ao e ira te kaetieti are e a tia tamana are Tawita n anganna. Ao tabeman kanoan Rewi a na kaira te katangitang ma ni buokiia ibonga n aia m'akuri, ao tabeman a na teiakina mataroan nako oon te Tembora

Taian Areru 122:7

E bia teimatoa te rau i nanon oon am kaawa ni kabaneia ao i nanon am bareti nako.

Taian Areru 74:18

Ma Ko na uringnga, te Atua, b'a a ngareakiniko am Kairiribai, Ao akea onimakinam ma karineam irouia.

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Ana Anene Toromon 3:3

I bon titirakiniia naba taan tei ake a tararua te kaawa ni kaangai, “Kam noora teuare I rangi n tangiria?”

Ana Anene Toromon 5:7

Ao I a kuneaki irouia taan tei ake a teiakina te kaawa ma n teiakina naba oon te kaawa. A kataereai ao a buta niiniirau.

Itaia 43:26

I a kaitibo ma ngkami n te kaboowi! Kaota ami tangitang ao kaota te kakoaua b'a kam bon eti.

Itaia 49:16

E na koreaki taamnein am kaawa are e buubura i nanoni baim. Ko meemena n taai nako n au iango nako!

Itaia 52:8

Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Ieremia 14:21

Ngkana Ko kamaiura, ao ane e na kaota aron korakoram. Ko na aki kariaia am kairiribai b'a e na kam'araea am Tembora, are Am kaintokanuea ae e tamaroa. Ko na aki m'aninga are Ko a tia ni berita b'a Ko na kamaiura.

Ieremia 6:17

I bon kanako ia naba taiani burabeti b'a a na kauringngkami i bukin te kabuanib'ai, ma ngke a katang te b'ai ni kauring, ao kam bon aki kan tabe iai.

B'aeb'aeti 5:1

Uring baike a tia n riki nakoira te UEA. Taraira, ao noori rawawatara.

B'aeb'aeti 5:20

Bukin tera ngkai Ko aki toki ni m'anuokiniira? Ko bia manga ururingiira?

Ruka 18:39

Ao aomata ake a ri moa, a takuia ao a tuangnga b'a e na aki karongoa; ma e a kanenea riki b'anaana n takaarua ni kangai, “Natin Tawita! Ko na nanoangaai!”

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Tetaronike 5:17

ao tataro n taai nako,

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”