Itaia 62:4 - Te B'aib'ara

⁴ E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 62:4 ပူးပေါင်းရင်းမြစ်များ

Taian Areru 149:4

E kukurei te UEA iroun ana botannaomata; E karineia aika onimakinna n anganiia te tokanikai.

Taian Areru 16:3

Ai raoiroira aroia am aomata te UEA aika kakaonimaki! Bon kakatongau irouia n tainako.

Itaia 49:14

A taku kaain Tion, “E a tia n tannako te UEA ma ni m'aninga taekara.”

Itaia 54:1

Anene n taakarua; e ngae ngkana ko tuai mani kariki! E a tia ni berita te UEA nakoim b'a a na manga reke riki natim nakon temanna ae e a tia ni mare n te tai ae e a maan.

Itaia 60:15

E riiribaaki ngkoa ao e kiitanaki, ao e katinanikuaki ngkoa irouia aomata nako. Ma N na katikiraoiko, te kaawa ae e na kamoamoaaki i nanon taai aika a nako roko.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 62:5

A na abana te aba ami aomata, kaanga te rorobuaka n ataei ngkana e anaa te kainrou. E na kukurei te UEA iroumi, kaanga te bu te m'aane ngkana e kukurei iroun ana kainrou.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 3:14

Bon ataei ngkami aika kam aki kakaonimaki, ma bon au b'ai ngkami. Okira mwengami! N na anaa temanna ke uoman man ami kaawa n tatabeua nako ao ami kaainga ao N na uotiia nako Tion.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Otea 2:21

N na tuanga karawa b'a e na karokoa te karau i aon te aba,

Otea 2:22

ao e na karikirakei taian uita, taiani kureebe, ao taian oriwa n te M'arua are Ietireera.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Maraki 3:12

Ane a na bane botannaomata n taetaekina arou ngke I kakab'aiaingkami ma abami ae e tamaroa. Bon aei Au taeka Ngai ae te UEA ae Moan te M'aaka!

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

Te Tua-Kaua 30:9

ao ane E na kakab'aiaingkami ma n anganingkami natimi aika a rawata, ami nanai n tiibu, ao nanai ni kao, ao arokami taiani uita ma b'aare aika a m'aiti uaaia. E na rangi ni kukurei te UEA ni karaoi m'akuri aika a raoiroi nakoimi, n aron are E karaoia naba ngkoa nakoia ami bakatibu.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

1.Betero 2:10

Tiaki ana botannaomata te Atua ngkami ngkoa, ma ngkai kam a riki b'a ana botannaomata; kam aki nanoangaki ngkoa, ma ngkai kam a nanoangaki.

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.