Itaia 62:2 - Te B'aib'ara

² E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 62:2 ပူးပေါင်းရင်းမြစ်များ

Karikani B'aai 17:15

E taku te Atua nakon Aberaam, “man te tai aei ko na aki manga atonga aran buum b'a Nei Tarai, ma e na aranaki b'a Nei Taara.

Karikani B'aai 17:5

Ao e na aki manga atongaki aram b'a Aberam, ma e na atongaki b'a Aberaam, i bukina ngkai I karikiko b'a aia bakatibu botannaomata aika m'aiti.

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Taian Areru 98:2

E katanoata taekan ana tokanikai te UEA; E kaota m'akana b'a e na ataaki irouia botannaomata nako.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 43:7

Bon au aomata I karikiia n tatabemaniia nako b'a a na karineai.”

Itaia 49:23

A na roko ni boobaraaki ueanim'aane ma ueanainen taiani botannaomata aikai ake a kaikawaia. A na kaawakiningkami kaanga te toro ae e kaawakina te ataei. Ao ane ko na ataia iai b'a bon am UEA Ngai. E na aki b'ara nanom ngkana ko onimakinai.”

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 60:11

A na uki mataroan am kaawa n te ngaina ma te bong b'a aonga n rin taan tautaeka man botannaomata nako ngkana a kairiia aia aomata nakoim ma kaub'aia ni kabane.

Itaia 60:16

Ko na atiki kaub'aia uea ma botannaomata nako. Ane ko na ataai b'a te UEA Ngai ae e m'aaka ae Atuaia Iteraera, ae I a tia ni kamaiungkami.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Itaia 66:11

E na m'aneingkami ao e na anganingkami te mwenga raoi, n aron raoi oin tinami, ni karokoa kam rauaki raoi. Kam na onrake n te kukurei n mimitongina ae e kamimii.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

M'akuri 11:26

Ao ngke e reke i rouna, ao e kairiia nako Antioka. Teuana aia ririki ni bobotaki ma kaain te ekaretia ikekei, ao a reireia aomata aika bati. Antioka bon te tabo are a moa n atongaki iai taan onimaki b'a Kristian.

M'akuri 26:23

b'a E na maraki ni mate te Kristo, ao arona ngkae E na manga uti mai buakoia maate, b'a E na moani kaota te oota nakoia te botannaomata ae Iteraera ma aomata aika tiaki I-Iutaia.

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.