Itaia 62:10 - Te B'aib'ara

¹⁰ Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Itaia 62:10 ပူးပေါင်းရင်းမြစ်များ

Taian Areru 24:7

Kabane ukini mataroa aika mangkoangkoa; b'a E na rin te Uea ae kakannato.

Taian Areru 68:4

Kam na anene nakon te Atua, kamoamoa arana; Katauraoa kawaina are toka i aon taian nang. Ao arana bon te UEA (Iah) kim'areirei ni menana i buakomi!

Te Otinako 17:15

Ao e katea te baonikarea Moote, ao e aranna ni kaangai, “Bon au man n tokanikai te UEA.”

Itaia 11:10

E na roko te tai are e na anga iai te kanikina nakoia aomatan te botannaomata b'a a na ikotaki. A na iri ana kaetieti, ao a na tanoata taekaia ake bon oin ana botannaomata.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 18:3

Kaain te aonnaba aei ni kabane, kakauongo raoi! E na kanakoaki te kanikina i aon taian maunga, ao ane kam na ongo tangin taiani buu.

Itaia 19:23

Ane e na iai te kawai ae e raoiroi ae e biri mai Aikubita nako Aturia. Ane a na m'am'ananga iai kaain Aikubita ma kaain Aturia mai Aikubita nako Aturia, ao a na kaai n taromauri.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 35:9

Bon akea taian raian ke maan aika a aki manana ae a konaa ni kaaniia te kawai arei; bon ti koraki aika e a tia kamaiuia te UEA aika a konaa n rikekei.

Itaia 40:3

E taakarua temanna ni kaangai, “Kaitiaka te kawai i nanon te rereua! Karaoa te kawai ae e eti i bukin te UEA ae te Atua.

Itaia 40:4

Taun taiani m'arua; ao kanakoi taian tabuki ma maunga. Kabooraoa te tabo ae e bobuaka ao te tabo ae e aobuaka.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 49:11

N na kaboraoi taiani maunga ao ni karaoi taiani kawai;

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Itaia 57:14

E taku te UEA, “Kaitiaka te kawai! Katauraoia i bukiia au aomata.”

Itaia 60:11

A na uki mataroan am kaawa n te ngaina ma te bong b'a aonga n rin taan tautaeka man botannaomata nako ngkana a kairiia aia aomata nakoim ma kaub'aia ni kabane.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

Ieremia 4:6

kakioa Ierutarem, ke te kaawa teuana ae e nonoaki! tuangiia b'a I karokoa te kabuanib'ai mai meang.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Mataio 22:9

Ma ngaia ae kam na nako tutani kawai, ao kam na kaoiia aomata nako akana kam bo ma ngaiia nakon te am'arake ni baka.”

Ebera 12:13

ao nakonako i aoni kawai aika eti, b'a e aonga n aki tiba nako toman riin te bubua ni wae are mamara, ma e na riki ni marurung iai.