Itaia 61:9 - Te B'aib'ara

⁹ E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 61:9 ပူးပေါင်းရင်းမြစ်များ

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Karikani B'aai 30:27

Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim.

Taian Areru 115:14

I tataro b'a te UEA E na karika ami utu ma ami bakatibu te marurung n tainako

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Ieremia 31:7

E taku te UEA: Karaoa ami bootaki ni kukurei ao anene i bukin Iteraera, te botannaomata ae te kabanea ni korakora. Anga ami nebonebo ao takaarua, “Nakomai, Kamaiuia Am aomata, te UEA! Kamaiuia nikiraia Iteraera.”

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Maraki 3:12

Ane a na bane botannaomata n taetaekina arou ngke I kakab'aiaingkami ma abami ae e tamaroa. Bon aei Au taeka Ngai ae te UEA ae Moan te M'aaka!

Warekaia Iteraera 22:12

Ma E kaeka te Atua ni kaangai, “Ko na aki iriia ana taan ua rongorongo B'araka. I a tia ni kakab'aiaia aomata akana a roko mai Aikubita akanne, ma ngaia are, ko na aki katekebuakaia.”

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.