Itaia 61:6 - Te B'aib'ara

⁶ Ma ana riki ngaia b'a ana ibonga ao ana tia m'akuri te UEA ae Atuara. A na b'aina kab'aiaia botannaomata nako, ao a na tanoata taekaia.

Itaia 61:6 ပူးပေါင်းရင်းမြစ်များ

Te Otinako 19:6

aika aomata aika a katabuaki b'a au b'ai n ti Ngai, ao kam na m'akuri i buku n ai aroia ibonga.”

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 56:6

Ane a na irai ianena. A na tangirai ao a na taromauri n arau; a na karinea te Taabati ao a na kaawakina ara booraraoi.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Itaia 66:21

N berita nakoia b'a a na riki tabeman mai buakoia b'a taian ibonga ao tabeman b'a taan i buobuoki n au Tembora. Bon aio au taeka Ngai ae te UEA.

Ieremia 33:18

ao a teimatoa n reke ibonga man kanoan Rewi aika a na m'akuri n te baonikarea ao a na anga karea i bukin kakukureiau ao karab'aakiu.

Etekiera 14:11

N na karaoa te b'ai aei, b'a kam aonga n oki nako iu ma ni katoka kabuakakaan maiumi i bon iroumi n taiani bure aika a ribaaki. Ma ngaia ae kam na oki nako iu! Ao N na riki b'a Atuami, ao kam na riki b'a Au aomata. Boni Ngai ae te UEA ae te Atua ae I karaoa te berita aei.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

1.I-Korinto 3:5

B'a tera aron Aboro? Ao tera aroni B'auro? Bon taan i buobuoki ngaira, aika kam riki n onimaki i roura; ao ti karaoa ara m'akuri ni kaeti ma tib'angara are E anganira te UEA.

1.I-Korinto 4:1

Aei arora ae kam na iangoira iai: iangoira b'a ana toro Kristo, aika touati i bukin tataekinani baika raba aika ana b'ai te Atua.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 6:4

Ma ti kaotira b'a ana taani m'akuri ni koaua te Atua ngaira n aaro nako. N te nanom'aka ae bati, n taian rawawata, n taiani kainano, n taiani maraki, n taai aika kanganga.

Te Tua-Kaua 18:2

i bukina b'a E a tia ni berita te UEA b'a E na karerekei kainanoia n te aro aei.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”