Itaia 61:11 - Te B'aib'ara

¹¹ E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 61:11 ပူးပေါင်းရင်းမြစ်များ

Karikani B'aai 1:11

Ao E a manga taku te Atua, “Ke a bwebwerake taian aroka n aekaia nako i aon te aba, taian aroka aika manguroroo baaia, ma aroka aika uaanikai aika uangingi uaaia, ao aroka naba aika bon taian uaanikai uaaia (aika iai atiia i nanon uaaia).” Ao e kororaoi bukin are E taekinna.

Taian Areru 72:16

A bia bati uaa i aon te aba; A bia kirimto uaa i aon tabuki, n ai aron uaan aon Reb'anon. A bia kaonaki nanoni kaawa irouia aomata, n ai aroni kaonan aon te aba n uteute.

Taian Areru 72:3

E bia roko marin aon te aba, ao e bia namakinaki te kaetitaeka ae eti.

Taian Areru 85:11

E na kataia n rota eta te kakaonimaki mai aon te aba, Ao e na baraaki ana raoiroi te Atua n tara naano mai karawa.

Ana Anene Toromon 4:16

Ke e wai te ang meang, ao te ang maiaki naba! Ke a kakianakoa boiararan au nnenaroka, b'a e aonga n rin teuae I tangiria ma ni katoong uaana aika a kangkang.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 45:8

Kam na tuangiia taiani karawa b'a a na karuoa te kaetitaeka ae eti kaanga ai aron te maatim ni karau Katauraoa te aonnaba i bukin bwebweraken m'aakau ni kakamaiu b'a e na karekea te eti are I kariki Ngai ae te UEA.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 62:7

ao a na aki motirawa ni karokoa e matoatoa raoi Ierutarem ma n tanoata taekana n taabo nako.

Mataio 13:23

Ao are unikaki n te tano are raoiroi bon ane ongo ana taeka te Atua ao e ata nanona; ao e kaoti uaana b'a tatabe bubua ke kaka onobwi ke kaka tenibwi.

Mataio 13:3

Ao E atongi baika bati nako ia n taeka ni kabotau, ao E kangai, Noria, e oti nako te tia ununiki ni kamaae koraa n uniki.

Mataio 13:8

A b'aka tabeua koraa i aon te tano ae raoiroi, ao a riki b'a aroka aika uaa: tabekai tatabe bubua uaaia, ao tabekai kaka onobwi, ao tabekai kaka tenibwi.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.