Itaia 60:9 - Te B'aib'ara

⁹ A tataningaai Ngai ae te UEA ami aomata n abam'akoro aika a raroa nako. A kaira te kawai kaibuke ni m'am'ananga i bukin kaokaia nakon aia auti ma aia tirewa ao aia koora. Boni Ngai ae te UEA ae I karaoa aei i bukin karineaia ami aomata, b'a aonga ni karineai.

Itaia 60:9 ပူးပေါင်းရင်းမြစ်များ

Karikani B'aai 9:27

Ke E karikirakea riki Iabeta te Atua. Ao ke a uaia ni maeka kanoana ma kanoan Tem! Ao ke e riki Kanaan b'a ana toro Iabeta.”

1.Uea 10:1

Ao e ongo te ueanaine are i Tieba tanoatan rongorongon Toromon, ma ngaia ae e nako Ierutarem b'a e na kataia n titiraki aika a matoatoa.

1.Uea 10:22

A m'aiti ana kaibuke ni borau Toromon aika a korakora. E kakam'anangaia ana kaibuke ma ana kaibuke Iram b'a a na uoti rikaaki taiani koora, tirewa ao koron ereb'anti, ao ai uana naba ma m'angkii, ao biikooki.

1.Uea 22:48

E bon karao kaibuke Iotiab'ata ni m'am'ananga i taari i bukin anaakin te koora i Obira. Ma a bane ni koro i Etion-Kebera ao aki manga oki ni m'am'ananga.

1.Uea 8:41

Ao i bukin te iabatera ae tiaki raoia kaain am botannaomata ae Iteraera ae e roko ni maeka n te aba i bukin aram,

Taian Areru 48:7

Kanga ai aroia kaibuke ake a uruaki n te ang ae e rangi ni matoatoa karena.

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Te Otinako 33:19

Ao E kaeka te UEA ni kaangai: E tamaroa. Bon ami UEA Ngai, ao N na kaota au akoi ma au nanoanga nakoia aomata ni kabane aika I a tia n rineia. N na kariaia b'a ko noora mimitongiu ma n ongo arau ae E tabu,

Taeka n Rabakau 18:20

Katamaroai ami taeka ao ane kam na kukurei iai.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 2:16

kaibuke ni m'am'ananga i taari, ao booti ni kabane aika a tamaroa.

Itaia 24:15

Ai ngaia are, a na riai n neboa te UEA, ae Atuan Iteraera aomata ni kabane ake i mainiku ao aomata ake i aon taian abam'akoro.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 42:4

E na bon aki b'ara nanona ke ni kua ni karokoa e roko raoi te eti n te aonnaba ni kabane, ao a kariaria botannaomata nako nakon ana reirei.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 46:13

N na waekoa n roko ni kamaiungkami. I a kaan ao N na bon aki kabane tai; I kakatia iroun Iteraera ao N na kamaiua Iteraera.

Itaia 49:1

Kakauongo aomata ni kabane, e ngae ngkana kam mena n abaia ianena n taabo aika raroa nako i nanoni marawa. E rineai te UEA ao e anganai arau i m'aain bungiakiu.

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Itaia 60:4

Kauki matam! Taratara nako! A roko taian aomata. I aoni kawaia natimi m'aane n roko man taabo aika a raroa nako; ao a uotaki natimi aine kaanga ataei aika a uarereke.

Itaia 60:6

E na onrake abam n te naani kamero aika ataei mai Miria ao Eb'a; a uoti taiani koora ma b'aai ni kaboiarara b'a b'aini karineau, Ngai ae te UEA kaain Tieb'a

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 30:19

A na karineingkami ma n neboingkami botannaomata ake tabeua. A na kaonaki mwengami irouia ataei, ao kam na bukamaru, ma n anene n neboai.

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Mika 7:12

A nang okiriko am aomata man taabo nako ake a uamaaenako iai ngkoa-mai Aturia are i mainiku, mai Aikubita are i maiaki, man aaba ake n te karaanga are Iuberetiti, man taari, ao maunga ake a raroanako.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Tekaria 14:14

ni karokoa te tai are a manga bon rairakiia ake a mena i Ierutarem kaain Iuta.

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Karatia 4:26

Ma te Ierutarem are i Karawa e inaomata, ao bon tinara.

Iotua 9:9

Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,