Itaia 60:2 - Te B'aib'ara

² A rabunaki aonnaba ma aomatana n te roo, ma e oota nako ootan te UEA i aomi.

Itaia 60:2 ပူးပေါင်းရင်းမြစ်များ

1.Uea 8:11

E mena mimitongin te UEA i nanon te nang, ao e rangi n raneanea ootana n te aro are a aki konaa n tiku ni maan ibonga i nanona ni karaoa aia m'akuri.

Taian Areru 102:16

Ngkana E a manga katea Tion te UEA, Ao E na kaota iai kakannatona;

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Itaia 2:5

Kaain Iteraera, ti na maiu n ootan te UEA.

Itaia 4:5

E na rabuna te kaawa ae e buubura ni kabane te UEA ma ana tabo ni kabowi n te nang ae e matenten ni katoa bong ao te ai ae e ura ni katoa tairiki. Ao mimitongin te Atua e na riki b'a kaanga te autinrianna ae e korakora ae e rabuni b'aai ni kabane.

Itaia 58:10

Anga kanam nakoia akana a baki ao kaawakiniia akana akea aia auti. Ao ane e na oota iai am taura i nanon te roo; A na riki b'a kaanga te tawanou am aoa aika a rangi n rootongitong.

Itaia 58:8

Ao ane e na ootanako iai am taura kaanga ootan taai n te kaarangaina, ao ane ko na waekoa ni kamaiuaki. E na kaawakiniko am raoiroi ngkana ko waaki, ao e na kaawakiniko mimitongin te UEA mai bukim.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Itaia 66:11

E na m'aneingkami ao e na anganingkami te mwenga raoi, n aron raoi oin tinami, ni karokoa kam rauaki raoi. Kam na onrake n te kukurei n mimitongina ae e kamimii.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Nakoaia Ibonga 9:23

Ao a kaai n nako Moote ma Aaron nakon ana Um'antabunrianna te UEA ae e meemena iai, ao ngke a otinako, a kakab'aiaia aomata, ao e kaoti ootan mimitongin rokon te UEA nakoia aomata ni kabane.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Warekaia Iteraera 16:19

Ao e anai nanoia Iteraera teuare Kora b'a a na kaaitaraia taani kairiri ake uoman akekei. Ao ngke e riki arei, ao E kaoti te UEA ma mimitongina ae moan te korakora,

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 23:19

Aomata ngkami aika kam mataki! B'a e nga ae kakawaki riki, te karea ke te baonikarea are ngaia ae e riki n tabu iai te karea?

Mataio 23:24

Taani kairiri aika kam mataki! Kam raumea te manibeti, ao kam oonga te kamero.

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 8:55

Kam aki ataia; I ataia Ngai. Ngkana I taku b'a I aki ataia, ao N na riki b'a te tia kewe Ngai n ai aromi; ma I ataia ao I ongeaba nakon ana taeka.

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 17:23

B'a ngke I nakonako i nanon ami kaawa ma n taratarai b'aai aika kam taromauri, ao I nora naba te baonikarea teuana ae e koreaki i aona ae kaangai, “NAKON TE ATUA ARE AKI ATAAKI.” Ma ngaia aei, b'a Ae kam taromauria, Are aki ataaki, ao boni Ngaia ae I kaotia nakoimi.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.