Itaia 60:15 - Te B'aib'ara

¹⁵ E riiribaaki ngkoa ao e kiitanaki, ao e katinanikuaki ngkoa irouia aomata nako. Ma N na katikiraoiko, te kaawa ae e na kamoamoaaki i nanon taai aika a nako roko.

Itaia 60:15 ပူးပေါင်းရင်းမြစ်များ

Itaia 25:8

E na kamaunaa m'aakan te mate te UEA ae Moan te M'aaka ao e na kaoi rannimata ni kabane. E na akea te tabo ae e na manga karawaawataaki iai ana Aomata Bon ana taeka te UEA!

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Itaia 6:12

ao a tia ni kanakoaki nakon taabo aika a raroa nako, ma ni kiitan abaia aika a urubekebeke.

Itaia 61:7

A na rangi n riiribaaki ao n rangi n aki karaoaki ae e raoiroi nakoia; a na rangi ni kakab'aiaki ngkai ao a na kukukurei n aki toki.

Itaia 62:4

E na aki manga atongaki aram b'a “Kiitanaki ao Kanoabo,” ma e na atongaki b'a “Mare Ma Te Kukurei.” Ko na kukurei iroun te UEA; e na riki abami b'a ana kainrou te aine.

Itaia 65:18

Kukurei ao kim'areirei n aki toki ni baika I karaoi. N na kaona Ierutarem ae boou n te kim'areirei, ao a na kukurei kaaina.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Naum 2:2

(E nang kaoka mimitongin Iteraera te UEA, n ai arona ngkoa i m'aain kurib'aiana irouia ana kairiribai.)

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.