Itaia 60:13 - Te B'aib'ara

¹³ A na uotaki nakoim moan raraoin kaain Reb'anon kaai ake teatura, kaai ake bureen, ao kaain ake tiira. A na kamanenaaki n au Tembora i bukin katamaroaan te tabo ike N na katokaa iai waeu.

Itaia 60:13 ပူးပေါင်းရင်းမြစ်များ

1.Rongorongo 28:2

Ngke a bane aomata ikekei, ao e teirake Tawita ao e taku: Ongora irou, au aomata. I tangiria ni karaoa te tabo ike e na kaawakinaki iai te Atiniberita, b'a ti aonga ni konaa n nako n taromauria te UEA ae Atuara iai. I a tia ni katauraoi b'aai ni kabane i bukin karaoan te Tembora,

2.Rongorongo 2:15

Waaki ni kanakoi am uita, b'aare, b'aan te oriwa, ao te wain akana ko a tia ni berita b'a ko na kabooia iai au taani m'akuri.

Etira 7:27

E taku Etira i bukina ngke e rangi n ataataiaomata Atatokititi: Neboa te UEA ae Atuaia ara bakatibu. E boni kabobonga raoi karinean ana Tembora i Ierutarem iroun te uea.

Taian Areru 132:7

Ao ti kaangai, “Ti na nako n ana auti te UEA; ti na taromauri i matan ana kaintokanuea.”

Taian Areru 96:6

Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

Taian Areru 99:5

Kam na neboa te UEA ae Atuara; taromauriia i matan ana kaintokanuea! Moan te tabu Ngaia!

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Etekiera 47:7

ike I a noori taian aroka aika a m'aiti n iteran te karaanga ake uoua.