Itaia 6:6 - Te B'aib'ara

⁶ Ao e kiba nako iu temanna mai buakon b'aai ake a maiu ma te kooro ae e ura ae anaaki man te baonikarea n te karibai ae te biti.

Itaia 6:6 ပူးပေါင်းရင်းမြစ်များ

Te Otinako 25:38

A na riai naba nen kaintaura ao tureen taian taura ni karaoaki man te koora ae itiaki.

Itaia 6:2

Ao a kibakiba ietana b'aai aika a maiu aika a ura aika kakaoneai baiia ni kiba n tatabemaniia nako. A rabuni mataia ni baiia ni kiba ake uaai ao a rabun rab'ataia n ake uaai, ao a kamanenai baiia riki ake uaai ni kibakiba iai,

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Etekiera 10:2

E taku te UEA nakon te m'aane are e kunnikainna n te niiniira te riinen, “Nakonako i nanon taian wiira akana i rarikin maan akana iai baiia ni kiba ao anai taiani kooro aika a kabuebue n aron ane ko konaa n uotia. Ao i mwiina, ko na kamaaea i aon te kaawa are Ierutarem.” Ao I mataku ngke e karaoa nanon ana taeka te UEA.

Nakoaia Ibonga 16:12

e na riai n anaa baanin te ai ae e on n te kooro ae e ura man te baonikarea, ao uaabuata te b'ai ni kaboiarara are e kaakabubuaki, ao e na uoti nakon te Tabo are Moan te Tabu.

Warekaia Iteraera 16:46

Ao e taku Moote nakon Aaron, “Anaa am baan are baanin te ai, ao kanoaia n te kooro ae m'aaka man te baonikarea. Kanoaia n te b'ai ni kaboiarara tabeua, ao kawaekoako ni uotia nakon te tabo are a mena iai aomata, ao aanga nakon te UEA b'a a aonga ni kab'araaki aia bure. E a rangi ni un te UEA, ao a tabe ni mate aomata!”

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

M'akuri 2:3

Ao a noori baika ai aron te ai aika ura, aika ai aron taraan te newe; a uamaae nako baikai n tatabeua nakoia, ao a tiku i aoia n tatabemaniia nako.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 1:7

Ao E taekinia anera te Atua ni kangai: “E karaoia ana anera b'a aang, ao ana tia m'akuri b'a uran te ai.”

Ebera 13:10

Bon iai ara baonikarea, ae akea iai aia ibonga ake taani karao taromauri n te um'anrianna b'a a na am'arake maiai.