Itaia 6:3 - Te B'aib'ara

³ ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Itaia 6:3 ပူးပေါင်းရင်းမြစ်များ

Etira 3:11

A neboa te UEA, ao a anga aia kaaitau n aia anene tekorakina i mwiin tekorakina: E raoiroi te UEA, E teimatoa n aki toki Ana tangira nakon Iteraera. Ao a bane n takaarua aomata ni kabane ma n neboneboa te UEA i bukina ngkai e a moanaki te m'akuri i aon aan te Tembora.

Taian Areru 57:11

Te Atua, Ko na kaota kakannatom i karawa, ao mimitongim i aonnaba ni kabutaa.

Taian Areru 66:2

Kam na anenea taekan arona ae kamimii; aika E na karineaki riki iai arana!

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 8:2

A aneneia ataei ma merimeri. Ko rab'a ma ni mano raoi mairouia am kairiribai; Ko kaini wiia taani kaaitarako.

Taian Areru 90:16

Kariaira, ngaira aika am Toro ma natira, B'a ti na noori am M'akuri aika kamimii aika Ko karaoi.

Taian Areru 97:6

A kaotiota ana raoiroi taiani karawa; ao a bane n nora mimitongina botannaomata nako.

Taian Areru 99:3

Ke a karaoiroa arana ae kakannato ma ni kakamaaku aomata nako. Moan te tabu Ngaia!

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Etekiera 43:2

ike I a noora iai raneanean mimitongin Atuaia Iteraera, ae e roko mai mainiku. Ti te bo korakoran te tang are I ongo ma rurungaan naoni marawa, ao a bane n raneanea b'aai nako ake i rarikina n raitiitin ootan mimitongina.

Etekiera 44:4

Ao i mwiina, e kairai nakon te mataroa are mai meaang nako matan te Tembora. I nooria b'a e on te Tembora n raneanean mimitongin te UEA, ao I kawaekoai ni bobaraaki ni kaboa matau ma aontano.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Warekaia Iteraera 14:21

Ma ngkai I boni maiu, ao bon akea tokin m'aakau,

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;