Itaia 6:2 - Te B'aib'ara

² Ao a kibakiba ietana b'aai aika a maiu aika a ura aika kakaoneai baiia ni kiba n tatabemaniia nako. A rabuni mataia ni baiia ni kiba ake uaai ao a rabun rab'ataia n ake uaai, ao a kamanenai baiia riki ake uaai ni kibakiba iai,

Itaia 6:2 ပူးပေါင်းရင်းမြစ်များ

Karikani B'aai 17:3

Ao e bobaraaki Aberam, ao e kabooa matana ma aontano, ao E taku te Atua,

1.Uea 19:13

Ao ngke e ongo Eria, ao e karabai matana n ana kunnikai. Ao e otinako ao e tei i matan te nangananganib'a, ao E taku te UEA nakoina, “Eria, e aera ngkai ko nako mai?”

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

1.Uea 6:24

ao 5 te miita rababaia. Iai baiia ni kiba aika 2 ao ab'akin baiia bon kaka 2 te miita.

1.Uea 6:27

Ao e kaai ni katikuia Toromon n te tabo are Moan te Tabu. A taakin baiia ni kiba ni kabutaa nanon te ru arei.

1.Uea 8:7

aika a taakin i aon te Atiniberita ma amo ake b'ain uotakina.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Iobi 1:6

Ao ngke e a roko te bong are a na bootaki iai kaaini karawa i matan te Atua, ao e mena naba Tatan i buakoia.

Iobi 15:15

E bon aki onimakiniia naba Ana anera te Atua, ao a aki itiaki naba i matana,

Iobi 4:18

E noori aia kairua ana toro ao E bon noori naba kairuaia Ana anera.

Taian Areru 103:20

Karaoiroa te UEA, ngkami aika anera aika kam korakora, Aika kam ongeaba nakon ana taeka ao kam ongora n te bae E taekinna.

Taian Areru 104:4

Ko kabonganai aang b'a taan ua-rongorongo i bukim; Ao kiakianakon ootan te iti b'a am Tia m'akuri.

Taian Areru 18:10

E toka i aoia kerubim ao E kiba; Ao E ukia te ang ni kakibam'akaa.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Te Otinako 25:20

Karin i nanona atiibu ake uoua ake a m'akoro i aoia tuua ake tebwina ao katokaa matana te koora i aon te ati.

Te Otinako 3:6

Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

Te Otinako 37:9

A kaai ni kaaitaraa, ao a rabuna aon te tabo n akoi baiia ni kiba.

Itaia 6:6

Ao e kiba nako iu temanna mai buakon b'aai ake a maiu ma te kooro ae e ura ae anaaki man te baonikarea n te karibai ae te biti.

Etekiera 1:11

Uaai bain maan akekei aika taakinaki nako ni bo ma baiia maan ake n iteraia ake uoua. Ao baiia riki ake uaai a rukumaki n nim ma rab'ataia.

Etekiera 1:24

Ao I ongo tangin baiia ngkana a kiba; kaanga aron rurungaan naon taari, kaanga karongoaan te taanga ni buaka ae rangi ni korakora, kaanga b'anaan te Atua ae Moan te M'aaka. Ao ngkana a toki ni kibakiba, a manga rukumi baiia ni kiba i rarikin rab'ataia.

Etekiera 1:4

I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,

Etekiera 1:6

ma iai ubun are teuana aika aua ao aai naba baina ni kiba.

Etekiera 1:9

A kaai n tannako maan aikekei ni kaun akuu ma baiia ni kiba aika a boo taboia. A buti n aki akaaka nakon taabo n aki akaaka, ao a aki raaraira rab'ataia.

Etekiera 10:16

ma ni m'ananga, ao a m'ananga naba taiani wiira akekei ma ngaiia. Ngkana a taakin baiia ni kiba ni kiba nako, ao wiira akekei a bon airi naba ma ngaiia.

Etekiera 10:21

Iai ubuia aika aua n tatabemaniia nako, ao baiia ni kiba aika aua, ao te b'ai ae kaanga taraan bain te aomata i aan nako baiia ni kiba n tatabeua nako.

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.

Tekaria 3:4

Ma ngaia are, e tuangiia tabeman te anera b'a a na onea ana kunnikai Iotua ake a rangi ni baarekareka akekei. Ao i mwiina, e taku nakon Iotua, “Nanon aei b'a a tia ni kab'araaki am bure. Ngkai N nang karina kunnikaim ana kunnikai te ibonga.”

Ruka 1:10

Ao a tataro aomata aika bati i tinanikun te ruu are tabu ngke e kabuoki karea ake a boiarara Takaaria.

Ebera 1:7

Ao E taekinia anera te Atua ni kangai: “E karaoia ana anera b'a aang, ao ana tia m'akuri b'a uran te ai.”

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

Te Kaotioti 7:11

Ao a bane anera n tei ni katobibia te kaintokanuea ma unimm'aane ma baike a maiu ake aman, ao a katorobubua ni bobaraaki i nanoaan te kaintokanuea, ao a taromauria te Atua,

Te Kaotioti 8:13

Ao I taratara nako ao I nora te ikare ae ti ngaia ni kibakiba i eta ike e rietaata i aani karawa; ao e kaangai n te b'anaa ae korakora, “A na reke kaiia, a na reke kaiia, a na reke kaiia kaain aonnaba ngkana a tang b'anaani bu ake tabeua ake aia bu anera ake teniman ake a nang katang.”