Itaia 6:13 - Te B'aib'ara

¹³ E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Itaia 6:13 ပူးပေါင်းရင်းမြစ်များ

Karikani B'aai 22:18

Ane a na bubutiai botannaomata b'a N na kakab'aiaia n aron kakab'aiakiia am kariki-a na riki baikai i bukina ngke ko ongotaeka irou.”

Etira 9:2

A tia tabeman m'anen Iteraera ni mare ma aine aika Ianena, ao a kariaia natiia m'aane b'a a na karaoa naba ae ai aron are a karaoia. Ara mataniwi ma ara taani kairiiri bon taani moan karaoa te bure ae moan te kam'araa aei, ao ngkai ana Aomata te Atua aika a tabu a irengan ma aomata aika Ianena.

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Itaia 1:9

E na riai n tia ni mauna nako Tion kaanga Tootom ma Komora,

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Amota 5:3

E taku te UEA ae moan te rietaata, “A kanakoaki teuana tengaa tautia man te kaawa ae Iteraera, ma ti tebubua tautia aika a okirikaaki, ao te kaawa teuana e a manga kanakoia tebubua ana tautia ma ti tengaun ana tautia aika a oki.”

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Tekaria 13:8

A na mate man te aba uoua te katenim'akoro, ao a na maiu te katenim'akoro.

Maraki 2:15

E bon aki karikingkami te Atua b'a kam na riki n ti teuana ma buumi? Ao e aera ngkai E karaoa aei? B'a kam aonga ni karikiia natimi, ao kam na kairiia b'a a na riki b'a a na aomata te Atua. Kam na aki manga oki ni karaoa aromi n aki kakaonimaki nakoia buumi.

Mataio 24:22

Ao ngke arona b'a a aki kakimototoaki boong akanne, ao bon akea te aomata ae na maiu; ma a kakimototoaki i bukiia ana aomata te Atua ake E a tia n rineia.

Mareko 13:20

Ao ngkana E aki kakimototoi boong akanne te Uea, ao bon akea te aomata temanna ae na kamaiuaki; ma E kakimototoi boong akanne i bukiia ake a rineaki, ake E rineia.

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

Te Tua-Kaua 28:62

A rangi ni m'aiti ami koraki n aron itoin karawa n aron ae kam bon ataia, ma ngkana kam aki ongotaeka nakon te UEA ae Atuami, ao a na karako nikirami n tiku ni maiu.

Te Tua-Kaua 7:6

Iteraera, bon ana Aomata te UEA ae Atuami ngkami aika kam rineaki. A rangi ni m'aiti botannaomata n te aonnaba aei, ma E ti rinea Iteraera b'a ana Aomata aika bon Ana b'ai.