Itaia 6:1 - Te B'aib'ara

¹ N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Itaia 6:1 ပူးပေါင်းရင်းမြစ်များ

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

2.Uea 15:7

E mate Ataria, ao e taunaki i rarikiia ana bakatibu i Ierutarem. E a manga uea natina te m'aane are Iotam.

2.Rongorongo 18:18

Ao e kaeka Mikaia: I a manga noora te UEA n tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Iobi 42:5

Ngkoa, I ti atai baika I kaongoaki mai rouia aomata tabem'aang i bukim, ma ngkai, I a tia n nooriko ni matau.

Taian Areru 108:5

Te Atua, Ko na karineaki i etani karawa! Ao e na mena mimitongim i aonnaba ni bane.

Taian Areru 113:5

Akea n ai aron te UEA ae Atuara. E mena ana kaintokanuea i etani karawa,

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Te Otinako 24:9

Ao a kaai n tam'arakea te maunga Moote ao Aaron, ao ai uana naba ma Nataba ao Abiu ao taani kairiiri ake itingaun

Itaia 1:1

Bon Itaia ngai ae natin Amota. Ao aio te rongorongo are I anganaki i bukin Iuta ao Ierutarem ngke a uea Utia, Iotam, Aati, ao Etekia i aon Iuta:

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Etekiera 1:1

Ni kanimauani bongin te kaaua n nam'akaina n te katenibwi n ririki, I maeka Ngai ae Etekiera ae te ibonga are natin Buti te m'aane, ma Iutaia ake taenikai i rarikin te Karaanga are Keeb'ara i B'aburon. E uki karawa, ao I noora ana kaotioti te Atua.

Etekiera 10:1

Ao I noora te b'ai are ai aron annang are e mena i aon maan ake iai baiia ni kiba, ao e mena i aona te kaintokanuea ae te tabeiro.

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Taniera 10:17

Kaanga ai aron te toro ngai ae e tei i matan ana toka. N nang kanga n taetae nakoim? Bon akea nikiran korakorau ke ikeikeu i nanou.”

Taniera 7:9

Ngke I bon tabe ni mamataku, ao e katukaki te kaintoka ni motikitaeka ni nnena. Ao e tekateka i aona Teuare e maiu n akea tokina. A mainaina kunnikaina n ai aron te tinoo, ao irana kaanga ai aron buraen te tiibu ae e boou. E toka ana kai ni motikitaeka i aon wiira aika taian ai aika a ura,

Warekaia Iteraera 12:8

E norai, ao n i taramata ma ngai, ao b'aai ni kabane ake I tuangnga a teretere raoi. Ao bon akea riaimi ni ngureakina Au tia m'akuri ae Moote.”

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Te Kaotioti 15:8

Ao e kaonaki te Tembora n te bubu mani mimitongin te Atua, ao mani m'aakana; ao akea temanna ae kona n rin n te Tembora ni karokoa ae a toki b'aai ni kamamate ake itiua ake aia b'ai anera ake itiman.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,

Te Kaotioti 4:2

Boni ngkekei naba ao I a mena naba i aani m'aakan ana kairiri te Tamnei are Raoiroi; ao noria, e mena te kaintokanuea i karawa ma temanna ae tekateka i aona.

Te Kaotioti 4:3

Ao Teuare tekateka iai e kiakia nako mai Rouna te raneanea ae ai aron raneaneani matan atibu aika kakawaki are te iatebi ma te tarerio; ao e katobibia te kaintokanuea arei Nei Wirara, ae ai aroni matan te atibu ae te timaraketo taraana.

Te Kaotioti 4:9

Ao ngkana a anene baike a maiu n neboa ma ni karinea ma ni katituaraoa Teuare tekateka i aon te kaintokanuea, are Teuare maiu n aki totoki,

Te Kaotioti 5:1

Ao I nora te niira ni boki i atain Teuare tekateka i aon te kaintokanuea. Iai te koroboki i nanona ao i akuuna, ao e kanim'aki ni kanim ake kanikina aika itiua b'a e na aki uki.

Te Kaotioti 5:7

Ao E nako n anaa te nira ni boki mai atain Teuare tekateka i aon te kaintokanuea.

Te Kaotioti 6:16

ao a kaangai nakoni maunga ma atibu, “Kam na b'akarira, ao kam na karabaira mai matan Teuare tekateka i aon te kaintokanuea, ao man unin te Tiibuteteei.