Itaia 59:9 - Te B'aib'ara

⁹ Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Itaia 59:9 ပူးပေါင်းရင်းမြစ်များ

Iobi 19:8

E a tia ni kaina te kawai te Atua, ao I aki kona n rin iai; E a tia ni karaba kawaiu n te rotongitong.

Iobi 30:26

I kakantaninga te kukurei ma te oota ngkoa, ma a roko i Rou te kangaanga ma te rotongitong n onea mwiina.

Taian Areru 82:5

Ai nanoroo ra ngkami! Kam a baba ra! A buretata aromi, ao e a bua te kaetitaeka ae e raoiroi mai aon te aba.

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Itaia 5:30

N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.

Itaia 59:11

Ti kungkung kaanga taiani bea ao ti tang kaanga taian taobe. Ti kaantaningaa te eti ao te tokanikai, ma a biri nako mairoura.

Itaia 59:14

E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Itaia 59:8

Kam aki ataa aron te maiu i nanon te rau ke karaoan ae e raoiroi nakoia tabem'aang. A b'aoua taiani kawai aika kam karaoi; ao e aki konaa n reke te rau irouia akana a iririingkami.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 14:19

Te UEA, Ko a katinanikua Iuta? Ko a ribaa Ierutarem? E aera ngkai ko orea rikaaki Iuta: n te ikoaki ae moan te korakora? Ti a kaman kakantaningaa te rau ao te tai ni kamaiu, ma bon akea te b'ai ae ti karekea b'a ti te b'ai ae e kakamaaku.

Ieremia 8:15

Ti a tia ni kantaninga te rau ma te tai ni kamaiu, ma bon akea te b'ai ae ti karekea b'a ti b'aai aika a kakamaaku.

B'aeb'aeti 3:2

E kab'akaai i nano, i nano i nanon te rootongitong.

B'aeb'aeti 4:14

A titibaua aia taan kairiiri i nukan te kaawa n ai aroia matakii, ao a makunakuna n te raraa n te aro are bon akea ae kan tangiriia.

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Mika 1:12

A ingainga n tataningaa kamaiuaia kaain Marota, i bukina b'a E a tia te UEA ni karokoia kairiribai ni kaania mataroan nonon Ierutarem.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.