Itaia 59:7 - Te B'aib'ara

⁷ Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Itaia 59:7 ပူးပေါင်းရင်းမြစ်များ

Taeka n Rabakau 1:16

A rangi ni waekoakoa nakon karaoan te bure, ni karokoa naba bon te tiritiri.

Taeka n Rabakau 15:26

E ribaai iango aika a buakaka te UEA ma e kukurei n te taeka n akoi.

Taeka n Rabakau 24:9

Bon akea ae e tangiriia nanobaba aika akea aia iango aika a ti iangoi kawai nakon te bure.

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Taeka n Rabakau 6:18

aomata aika a babaairei waaki aika a buakaka ke a biri m'aaka nakon karaoan ae e bure,

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Itaia 32:6

A taetaekin taeka aika a nanobaba aomata aika a nanobaba. A aki toki ni kaakaraoi babaaire ao ni m'akuri b'aai aika a bure, ma ni karaoa aia kewe i bukin te UEA, ma ni kariaia b'a a na mate ni baki aika a akea kanaia, ma n aki anga te mooi nako ia akana a mate n taka.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Ieremia 41:7

Ao i mwiin riniia n te kaawa, e tuangiia ana tautia Itimaera b'a a na tiringiia ma ni karenako rab'ataia i nanon te m'anib'a.

B'aeb'aeti 4:13

Ma e bon riki anne i bukina ngkai a bure burabeti ma ibonga, a tiringiia aomata aika a raoiroi.

Etekiera 18:12

e burebureia aika maiu ni kainano, ao e kimoaia aomata. E taui b'aai ake e anganaki b'a b'aai ni kakoaua i bukin te roun. E taataromaurii bouannanti, ao e karaoi b'aai aika a rangi n ribaaki,

Etekiera 22:6

A kabonganai oin m'aakaia taani kairiiri n tiritiri.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Te Kaotioti 17:6

Ao I nora te aine arei b'a e manging n raraaia aomata ake a itiaki, ma raraaia ake a kamateaki i bukin onimakinan Iesu. Ngke I nora neierei, ao I rangi ni mimi.