Itaia 59:6 - Te B'aib'ara

⁶ kam aki konaa ni karaoi taiani kunnikai mani ngaon ten takareau aikai ke ni karabaingkami i akuiia.

Itaia 59:6 ပူးပေါင်းရင်းမြစ်များ

Karikani B'aai 6:11

ao a bane ni buakaka aomata ni kabane i matan te Atua, ao e tieuataake karaoan te m'akuri n iowawa n taabo nako.

Iobi 16:17

E ngae ngke bon akea te b'ai ae buakaka ae I a tia ni karaoia, ao a itiaki au tataro.

Taian Areru 55:11

E korakora te urub'ai iai; E bati te aonikai ma te babakanikawai n taabo ni m'akete.

Taian Areru 58:2

Kam aki! kam ti iaiangoi baika bubuaka aika kam kona ni karaoi, aika m'akuri ni kakeru i aon te aba.

Itaia 30:1

Aio ana rongorongo te UEA i bukiia ana Aomata aika a kamangao: Kam iri oin ami babaaire ao kam aki iri au babaaire; kam karaoi taiani boraraoi i marenami ma tautaeka tabeua ao kam titirakinai moa, ao kam teimatoa ni buubure.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 57:12

Tao ko taku b'a ko rangi n raoiroi, ma N na kaota te koaua.

Itaia 58:4

Ao e bon maraki naba nanom ao ko tauraoi nakon te un. Ti na bon aki mimi ngkai e aki ongo te Atua ara tataro nako!

Itaia 64:6

Ti aki tau n taromauriiko; bon taian motinikunnikai aika a buakaka ara m'akuri n tatabeua nako. Ti m'auteretere kaanga taiani baanikaai; bon te ang aika a korakora ara bure ake a kaubara nakoira.

Ieremia 6:7

E raanganako te buakaka man ami kaawa kaanga te ran man te koburake n ran. E na ongo te aba karongoaan taian tiritiri mai nanon oon ami kaawa; A na raea konan te buaka n taabo nako, a ikoaki ao a mate.

Etekiera 18:12

e burebureia aika maiu ni kainano, ao e kimoaia aomata. E taui b'aai ake e anganaki b'a b'aai ni kakoaua i bukin te roun. E taataromaurii bouannanti, ao e karaoi b'aai aika a rangi n ribaaki,

Etekiera 7:11

ao a biri nako buure aika a tiritiri. Bon akea i buakomi ae e na reke maiuna n te kabuanib'ai aei, ao a na bane ni maaerikiriki ami b'ai nako aika a rangi ni kakaawaki.

Etekiera 7:23

E na mangaongao aon abami ni kabane! E na onrake aon Iteraera irouia taan tiritiri ao taan iowawa,

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Amota 6:3

Ma ngkai kam aki kan muuti n te bong n urub'ai ae nang roko, ao e na bon roko uruami mai rouia aika a buakaka i bukin ami m'akuri aika a buakaka.

Mika 2:8

E kaekaia te UEA, “Kam buakaniia au Aomata n ai aroia kairiribai. A taku m'aane tabem'aang b'a a maiu b'a a okirii mwengaia ma te rau, i mwiin buakaia ma aia kairiribai. Ma ngaia ko a manga anai aia kunnikai b'a kakoaua i bukin aia taarau iroum.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Teb'ania 1:9

N na oroia ake a taromauria anti ao ake a iraa man tiritiri i bukin karekean b'ain aia auti aia toka ni b'ai-ni-iraa.

Teb'ania 3:1

E a b'aka Ierutarem, mani mangaongao, te kaawa ae e rarawa. Ae e bon karawawataia ana aomata.

Maraki 2:16

Ao E ribaia aomata nako te Atua aika a iowawa n raure ma buuia. Ma ngaia are, kam na kaakawakiningkami raoi b'a kam na aki manga aki kakaonimaki!