Itaia 59:4 - Te B'aib'ara

⁴ Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Itaia 59:4 ပူးပေါင်းရင်းမြစ်များ

Iobi 15:31

Ke e tai onimakina rietaatana, b'a e kaawa ni kam'anea i bon i rouna, b'a e na bon okiria te kangaanga ngkana e taku i nanona b'a e rietaata.

Iobi 15:35

Bon aikai aomata aika iaiangoi m'akuri ni kakiriwe aika buakaka. A onrake nanoia n taiani kewe.

Taian Areru 12:3

Te UEA, katokiia aomata man aia taetae ni karang, Ao kaini wii ake a taetae ni kainikatonga, ake a kaangai,

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Taian Areru 62:4

Kam ti kani kab'aka mani nena ni karineaki; A maiu nanomi n te kewekewe. Kam taetae ni kakab'aia te aomata, ma kam karereantia i nanomi.

Taian Areru 7:15

E kena te kinono b'a ana b'ai ni kam'aam'ane, ao e a manga boni m'ane iai.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Itaia 10:1

Kam a reke n te kangaanga aomata! Kam a tia ni karaoa te tua ni iowawa ae aki eti

Itaia 26:18

Ma e oneaki mwiin bungiakin te nati, n te ang ae e reke man te maraki ae e korakora. Bon akea ara tokanikai ae ti a tia ni karekea, ao bon akea naba kanoara ake a na manga taua te aonnaba.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 29:20

A na bane aika a iowawa ma aika a kainikatonga n nako n aki manga oki. Ao a na mauna nako aika maiuakina te bure,

Itaia 30:12

Ao ngkai aio ana kaeka Atuaia Iteraera ae e tabu: “Kam katinanikui au rongorongo, ao kam onimakini m'akuri n iowawa ao taiani kewe.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 33:11

Taian maange m'akuri ake a na karenakoaki i aon te ai ni bon oin angin ukeukem.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 47:10

Ko na karabako i akuun te buakaka kaanga te otanga ao ko na kaangai, Akea ae konaa n noorai!” Ko kananobabaaki n rabakaum ao am ataib'ai; ko iangoia i bon iroum b'a bon ti ngkoe ae ko tautaeka.

Itaia 5:18

Kam a reke n te kangaanga! Ti te bo te kewe are kam taetaekinna ma te roobu are kam kabaei man uaakin iai taiani bure ma te buakaka.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 59:15

A bane aomata n taekina te kewe; tokiia akana a nako man te maiu ae e buakaka bon te urubekebeke. Ngkana e ataia te UEA ae e a tia ni mauna te motiraoi, ao E na bon aki kukurei iai.

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Itaia 64:7

Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 48:7

Tao kam taku b'a kam konaa ni mano ni m'aakami ao kaub'aimi, ma ane kam na tauaki n reitaki ma antimi are Kemoti, ma ana ibonga, ao ana mataniwi nako.

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Ieremia 7:4

Kam na aki kaburababaingkami i bon i roumi! E mena au Tembora ikai i Ierutarem, ma tiaki nanona b'a N nang kamanoingkami.

Ieremia 7:8

Ma kam na ti taraa te b'ai ae e riki! Kam onimakin taiani kewe aika akea manenaia.

Otea 4:1

Ongora, Iteraera ngkai E bukiniia aomata nako te UEA aika i nanon te aba! Bon akea temanna ae e onimakinaki ke kakaonimaki ke n tabeakina raoi te Atua.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

M'akuri 24:9

A buoka naba are e taekinna Tereturo I-Iutaia, ni kakoauai baike e taekin.

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.