Itaia 59:18 - Te B'aib'ara

¹⁸ E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 59:18 ပူးပေါင်းရင်းမြစ်များ

Iobi 34:11

E anganiia aomata kaniwangaia n te b'ai are a boni karaoia, ao E karaoa nako ia te b'ai ae bon riai n reke nako ia.

Taian Areru 62:12

ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Itaia 40:10

Nooria! E a roko te UEA ae te Atua ae e rangi ni M'aaka b'a E na tautaeka ma baina ae e korakora. Uotana te b'ai ake e a tia n uotia nakon te buaka, ao E anganiia ana Aomata kaniwangaia.

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Itaia 63:3

“Bon ti Ngai ae I toutoui taiani kureebe! Bon akea riki botannaomata aika a i buobuoki. I toutouia botannaomata nako i bukin marakin nanou ao e kiri uraura au kunnikai n raraaia.

Itaia 63:6

I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Itaia 65:6

I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

Itaia 65:7

Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Itaia 66:6

Kam a ongo taian karongoa akekei ake i nanon te kaawa arei ma taian tatakarua aika a nako man te Tembora? Bon takaaruan te UEA ngkai e tabe ni katuaaia ana kairiribai.

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Ieremia 50:15

Buaka ni iterana ni kabane! Taan taenikai mai B'aburon! A urua oona ma tauana kairiribai ni kab'aka. N nang irantaanga ni karaoa naba nakon B'aburon te b'ai ngkoa are e karaoia nakon kaawa aika a buubura ake tabeua.

Ieremia 50:29

Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 23:49

Kam na katuaaeaki ngkai kam a tia n riki b'a aineni mataawa ao i bukin taromauriaia bouannanti, ao kam na ataia iai b'a bon te UEA Ngai ae te Atua.

Etekiera 38:18

Ngkana ko buakana Iteraera, N na bon rangi ni un,

Etekiera 5:13

Kam na namakina korakoran uniu ni karokoa tian raoi au karekekai. Ao i mwiin anne, kam na ataia b'a I un Ngai ae te UEA i bukin ami aki ongotaeka.

Etekiera 6:12

Akana a maeka n taabo aika a raroa nako a na oreaki n te aoraki ae e kamaamate. Akana a maeka n taabo aika a kaan a na tiringaki n te buaka. Ao akana a tiku a na mate n te baki. N na aki taotaona nanou irouia!

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Nakoaia Ibonga 26:28

ao ikanne are I a boni karokoi naba ami bong i bukin ami bure.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Ruka 19:27

Ao i bukiia taan ribaai akanne, akana a aki tangirai b'a N na tautaeka i aoia, kairiia mai, ao tiringiia i matau.”

Ruka 21:22

B'a aei te tai are E na karawawataki iai Iteraera iroun te Atua, b'a e na kakoroaki nanon are koreaki n te B'aib'ara.

I-Rom 2:6

B'a E na bon angania aomata nako booni mwin aia m'akuri.

Te Tua-Kaua 32:41

N na karaoa te irantaanga nakoia kairiribai aika ribaaki. N na kakangiia au kabaang ao e na raaiti kaanga te iti.

Te Tua-Kaua 7:10

Ma ngkana kam a manga kaitaraa te UEA, ao E na bon waekoa n tiringingkami.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.