Itaia 59:14 - Te B'aib'ara

¹⁴ E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Itaia 59:14 ပူးပေါင်းရင်းမြစ်များ

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:11

Ao i mwiin reken ana reta, ao a karaoi raoi b'aai ni kabane ake e taekin.

Taian Areru 119:150

A kaaniai akana kaaea te buakaka; ae aomata aika a raroa man am Tua.

Te Minita 3:16

I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 46:12

Kam bon taningabono ngkami aika aomata ao kam a kan reke n te kangaanga, kam na kakauongo nako iu.

Itaia 5:23

Kam kanakoa te tia bure ni kainaomata i bukin butim'aean te m'akuri ni kamaraato, ao kam aki karaoa ae e eti ni kabowian te aomata ae akea ana bure.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 59:11

Ti kungkung kaanga taiani bea ao ti tang kaanga taian taobe. Ti kaantaningaa te eti ao te tokanikai, ma a biri nako mairoura.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Itaia 59:9

Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 7:28

Ma ngaia ae ko na kaangai nako ia: Kaain Iuta, bon te UEA Ngai ae Atuami, ma kam rawa n ongo taeka i Rou, ma kam aki bitaki ngke I katuaaingkami. Ao ngkai, kam bon aki kani kaota naba te aro ni kakaonimaki nako iu.

Taniera 8:12

Ao a tannako aomata mairoun te Atua, ao a anga ngaia nakoni m'aakan te koro arei, ao e a tewenakoaki te aro ni koaua nako aontano. E totokanikai te koro ni b'aai ni kabane ake e karaoi.

Otea 7:1

ao ni kamaoa manekana. Ma I a manga noora te bure i nanon Iteraera ao Tamaria. A b'anga ni kewe aomata nako: a aiwaa taani kimoa i nanon kawain nako nuukan te kaawa.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 5:7

Kam na mate, ngkami aika kam raira te kaetitaeka ae riai mani m'am'anaia aomata man aia riai!

Amota 6:12

A konaa ni biri aoti i aon taian b'aa? A kona aomata ni kairiia kaao b'a a na katika te b'araua i aon taari ni kamaraua taari? Ma ko a tia n onika te eti nakon te b'ai ae kamamate, ao te raoiroi nakon te kairua.

Ab'akuka 1:4

E a rangi ni mamara ao n akea bonganan te tua, ao e tuai man karaoaki te baire ae e riai. A toronib'ai riki aomata aika a buakaka, nakoia aika a raoiroi: Akea karaoan te riai.