Itaia 59:10 - Te B'aib'ara

¹⁰ Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Itaia 59:10 ပူးပေါင်းရင်းမြစ်များ

Iobi 5:14

e ngae ngke te tawanou, ma a na kakaae nako baiia n te rootongitong

Taeka n Rabakau 4:19

Katein maiuia aomata aika a buakaka kaanga ai aron te rotongitong ae e korakora, ao a na bon aki konaa n ataia b'a tera ae e toki waeia iai.

Itaia 28:13

Ao ngkai e nang riki ana rongorongo nakoim b'a taiani b'anaa aika akea nanoia aika a na okioki. Ao i mwiina, ko na b'aka nako bukim, ma ni ikoaki ao ni m'ane.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Itaia 8:15

Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

B'aeb'aeti 3:6

E kamaekaai n te tabo ae rootongitong, kaanga ai aron are i abaia maate.

B'aeb'aeti 4:14

A titibaua aia taan kairiiri i nukan te kaawa n ai aroia matakii, ao a makunakuna n te raraa n te aro are bon akea ae kan tangiriia.

Etekiera 21:15

Ane a na mauna ninikoriaia ao a na b'aka ni maaku. E tataninga Au kabaang iai mataroa ni kabane, n raneanea ma n tauraoi nakon tiritiri.

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 12:40

“E kamataki mataia te Atua, ao E kamatoai nanoia; b'a a kaawa n noraba ni mataia ao n atatai n nanoia, ma n rairaki nako iu b'a N na kamaiuia.”

Te Tua-Kaua 28:29

n te aro are kam na riki b'a aomata aika matakii aika kakaaenako baiia e ngae ngkana e a kiro te tawanou, ao a aki kona naba n ataia b'a e a bong ke a ngaina. A na oroingkami ma ni kimoai ami b'ai aomata ni kabane bongin maiumi, ao bon akea ae na kona ni katokiia.

1.Ioane 2:11

Ma ane riba tarina ao e mena n te roo, ao e nakonako n te roo n aki ataa ike e nako iai, b'a e kamatakii matana te roo.