Itaia 58:9 - Te B'aib'ara

⁹ E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Itaia 58:9 ပူးပေါင်းရင်းမြစ်များ

Karikani B'aai 27:18

Ao e a nako Iakob'a nakon tamana, ao e taku, “Tamau!” Ao e kaeka tamana, “Aio! Ao natiu ra aio?”

Iobi 22:27

E na kaeka am tataro ngkana ko tataro nako Ina, ao ko na kaawakina am berita are ko karaoia nako Ina.

Taian Areru 118:5

I wetea te Atua ngke e kai nanou; E ongo irou ao E kamaiuai.

Taian Areru 12:2

Akea ae e na aki kewea raona: A keweia raoia n taeka ni karang.

Taian Areru 145:18

E tauraoi ni buokiia akana butiia ma nanoia ni koaua.

Taian Areru 20:6

I a ataia ngkai b'a te UEA e na bon anga te tokanikai nakoia ana king ake E a tia n rineia; E na kaekaa man ana karawa are Tabu, ao E na buokiia ni kakatokanikaia ni m'aakana.

Taian Areru 37:4

Karaoa ae E tangiria te UEA, Ao E na anganiko te b'ai ae e tangiria nanom.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Taeka n Rabakau 6:13

ni mamataukiro man anga aia kanikina ni keweia tabem'aang.

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 30:19

Kaain Ierutarem, kam a aki riai ni manga tang riki. E akoi te UEA ao ni bon te tai naba are E ongo iai tangimi n tangira buokami, ao e a roko naba.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Itaia 57:4

Antai ae ko na b'ainikirinna? Antai ae ko na kakanikoa? An tarai moa am bure aika kateinibabako.

Itaia 58:6

N na tuangngkami nanon raoi taromaurian te UEA. Kanakoi tieiniia buure ake a kabaeaki n te aro ae e aki eti. Kainaomataia akana a kabuakakaki!

Itaia 59:1

E tuai ni bua korakoran m'aakan te UEA; E boni konaa naba n ongo ao ni kaekai taiani tataro.

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Itaia 65:24

Im'ain tokin aia tataro, ao N na kaekai aia tataro.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Etekiera 13:8

Ma ngaia ae N nang katuaaia burabeti aika a b'anga ni kewe aikai i bukin burebureaia Iteraera n aia rongorongo aika a kaairua.

Taniera 9:20

Ao I boni waakina naba au tataro, ni kaoti au bure ao aia bure Iteraera, ao ni kairoroa te Uea ae te Atua b'a e na manga kaokaki te Maunga are e tabu.

Nakoaia Ibonga 6:5

E na kabane ni kabooi mwiin b'aai nakon teuare e bure nako ina n reitaki ma te uabwi ni betienti.

Tekaria 10:2

Kam aki konaa n onimakini taian bouananti ma taani kaiwa, ke ni mwiokoa te kaantaninga ae kam karekea mairouia taan tabunea ma taani kab'ara mii. Ma kam a tia ni katai baikai ni kabane, ao kam a riki ngkai b'a kaanga taian tiibu aika akea te tia kaawakiniia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”