Itaia 58:8 - Te B'aib'ara

⁸ Ao ane e na ootanako iai am taura kaanga ootan taai n te kaarangaina, ao ane ko na waekoa ni kamaiuaki. E na kaawakiniko am raoiroi ngkana ko waaki, ao e na kaawakiniko mimitongin te UEA mai bukim.

Itaia 58:8 ပူးပေါင်းရင်းမြစ်များ

Iobi 11:17

E na oota riki maium nakon ootan te tawanou, ao a na oota kaanga te kaarangaina aoan maium ake a rangi n rotongitong.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 37:6

E na kaota raoi koauan ae akea am bure, kanga ai aron itiakin ootan taai n te tawanou.

Taian Areru 85:13

E na ri moan te UEA te raoiroi n ai aron te tia kaira te kawai, B'a e na katanem'aneka te kawai i bukina.

Taian Areru 97:11

E oota raoiroin te Atua b'a kanga ootan te taura i aoia ana Aomata aika raoiroi; Ao e karika te kim'areirei nakoia.

Te Otinako 14:19

Ao E a manga nako aneran te UEA are memena i moaia tautian Iteraera nako ni mena mai buki. Ao e m'aing nako naba te boua te nang ni karokoa

Taeka n Rabakau 11:17

E kaniwanganaki te akoi ma ngkana akea ami nanoanga, ao kam bon kamaraiaingkami i bon iroumi.

Taeka n Rabakau 11:25

E na kaniwanganaki te ataataiaomata: Aanga te m'angko n ran, ao ane e na reke iroum boon mwiina te m'angko n ran.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 26:2

Kauki mataroan te kaawa i bukiia te botannaomata aika a maiuakina te tua aika a kakaonimaki nakon te Atua.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 33:24

Ane e na kab'arai ami bure te UEA ao ane a na akea mai buakomi ae e na kaangai, “Kaanga I aoraki.”

Itaia 52:12

Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 60:2

A rabunaki aonnaba ma aomatana n te roo, ma e oota nako ootan te UEA i aomi.

Itaia 62:1

Ierutarem, e na aki konaa n toki au taetae nikawai i bukim. N na aki kainab'aabu ni karokoa ko maiu raoi ma ni manoraoi, ao ni kiakia kaanga te ura.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 13:15

B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.