Itaia 58:5 - Te B'aib'ara

⁵ Tao kam taku b'a e tangiringkami te UEA b'a kam na toki man ami aki am'am'arake ma ami nanorinano are kaanga te buakoako n aroka ae e raranako? Ke Tao ni karina te kunnikai ae e mangaingai ma n tekateka i aon taiani mannang? Bon aei te b'ai ae e tangiria n te bong n taromauri?

Itaia 58:5 ပူးပေါင်းရင်းမြစ်များ

2.Uea 6:30

Ao e raeuai kunnikaina te uea i bukin nanokaawakina, ao e bane n nooraki kunnikaina aika a raeraeaki mai aana i bukina ngke e teretere raoi b'a e mena i aon taubukin oon te kaawa.

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

Etira 10:6

Ao i mwiina, e Etira kiitana ana Tembora te Atua ao e nako n ana ru Ieoanan are natin Eriatiba te m'aane n tiku iai ni kangainaa. E rangi n raraoma i bukin te b'ai ae a tia ni karaoia aomata, ao e aki kana ma n nima te b'ai teuana.

Etira 8:21

I a buubutiia aomata ngke ti mena i rarikin te Karaanga are Aawa, b'a a na aki am'aam'arake ao a na tataro. Ti kananorinanoira ao ti buubutia te Atua b'a e na anganiira ma natira te mauri i aon Ierutarem ao i aon ara b'ai ni kabane.

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Etita 4:3

Ao a bane n tang taian I-Iutaia n taabo nako ike e katanoataaki iai ana rongorongo te uea arei. Ao a aki mamatam, ao a tanginiwenei, ao angiia a karin kunnikai aika a mangaingai, ao a wene i buakon taiani mannang.

Iobi 2:8

Ao e nako Iobi n tekateka i rarikin te tabo ni maange, ao e anaa te maibi ni katiibu ni kakaara iai kaboana.

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Itaia 61:2

Aio te ririki are e E na kaota iai ana nanoanga nakoira te UEA ae te Atua ni katuaaia ara kairiribai nako. E a tia ni kanakoai te UEA b'a N na karaunanoia aika a tang,

Nakoaia Ibonga 16:29

Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri.

Nakoaia Ibonga 16:31

ao man te tai aei, e na bukamaruaki ni katoa ririki. Kam na aki am'aam'arake ma ni karika te bong aei b'a te bong ni motirawa n aron te Taabati.

Tekaria 7:5

I nanon itibwi te ririki ao kam a tia n aki mamatam i nanon te kanimaua ao te kaitiua n nam'akaina n te ririki. Ma kam bon karaoia raoi i buku?

Mataio 6:16

Ngkana kam aki mamatam, ao tai mata ni kananoanga n ai aroia taani m'am'ana-te-aba: b'a a katarabuakai ubuia b'a e aonga n noraki aia aki-mamatam irouia aomata. E koaua ae I a tuangngkami b'a e a tia n reke i irouia booia mani mwin aia m'akuri.

Ruka 4:19

ao N na katanoata ae kangai b'a n te ririki aei ao E na kaota ana akoi te Atua nakoia aomata.”

I-Rom 12:2

Tai katotonga aroni katein te maiu aei; ma a na bitaki tein ami iango man are kam tataneiai iai, b'a kam aonga n ata raoi aroni karaoan te bae e raoiroi ma ni kakukurei nakon te Atua.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.