Itaia 58:2 - Te B'aib'ara

² Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Itaia 58:2 ပူးပေါင်းရင်းမြစ်များ

Taian Areru 119:15

N na kamateb'aia am Tua, ao N na nenera am Taeka.

Taian Areru 119:151

Te UEA, Ko kaan nako iu; a onimakinaki am Tua ni kabane.

Taian Areru 119:87

I kuri kanga ni mate irouia, ma I aki kaaki taekan am Tua.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 42:20

are e rangi n noraaba ao n raoiroi taningana, ma e aki muuti.

Itaia 57:12

Tao ko taku b'a ko rangi n raoiroi, ma N na kaota te koaua.

Itaia 57:3

Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Ieremia 7:10

Ao i mwiina, kam rin i nanon au Tembora ao kam taromauriai! Tao kam taku b'a N na kawakiningkami n te aro b'a kam na teimatoa ni kaakaraoa te bure?

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Etekiera 20:3

Etekiera ae natin te aomata, a roko taani kairiiri aikai b'a a na kakaaea te b'ai ae I tangiria b'a a na karaoia. Ma ngkai I bon maiu, N na aki anganiia te kaeka teuana.

Amota 5:18

E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

Mareko 12:14

A roko i Rouna ao a taku, “Te Tia Reirei, ti ataia b'a ti te taekina te koaua Ngkoe ao Ko aki kona ni katabea am iango n aia iango aomata. E aki anaaki nanom n taraan aroia aomata, ma Ko reirei te koaua ae kaeti ma nanon te Atua i bukiia aomata. E eti ma taekan te tua b'a ti na anga ara taekiti nakon te uea n Rom, ke e aki?”

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

Tito 1:16

A taku b'a a ata te Atua; ma a kakeaa n aia m'akuri nako. A bati n ribaki, ao a aki ongeaba, ao a aki tau nakoni m'akuri aika raraoi ni kabane.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.