Itaia 58:12 - Te B'aib'ara

¹² Kam na manga karaoi auti ake uoua ake a tiku n uruaki n ririki aika a bati; ao ko na kinaaki b'a te tia kateitei ngkoa ao te tia karaoa oon te kaawa ao kawain nako nuukan te kaawa.

Itaia 58:12 ပူးပေါင်းရင်းမြစ်များ

Neemia 2:17

Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Neemia 2:5

Ao i mwiina, ao I a tuanga te uea, “Teuae ko karineaki, ngkana e raoiroi, ao ko na kanakoai n okirikaaki nako Iuta, b'a I aonga ni konaa ni manga katea te kaawa are e buubura arei ike a taunaki iai au bakatibu.”

Neemia 6:1

Ao a ataia Taneb'arata, Tobia, Ketem, ao ara kairiribai ake tekorakina ae I a tia ni kabanea manga karaoan te oo. Ti te b'ai ae I tuai ni karaoia bon katinetinean taiani mataroa ni mataroan taiani kawai n rin.

Iobi 3:14

ni matu n ai aroia taian uea ma taan tautaeka ake a manga karaoi bareti ni kawai

Itaia 30:13

Ti te bo te bure aei ma te tabwena are e karika waekoani b'akan ao maenikunin

Itaia 44:28

Boni Ngai naba are I kaangai, “E na kairiia au aomata Tairati ao e na ongotaeka nakon au babaaire. E na manga karaoaki Ierutarem ao te Tembora.”

Itaia 49:8

Aei ana taeka te UEA: N na kaekai am tataro b'a I a tia n namata te tai are N na i buobuoki iai ngkana I roko ni kamaiuko. I a tia n rineiko b'a ko na uota au berita i bukin te kaantaninga nakoia botannaomata ni kabane. Ko na manga karaoa te aba ma b'aina nako ake a uruaki, ao ane a na roko aomata ni maeka ikekei.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 61:4

Ao i mwiina, ti na karaoi kaawa aika a buubura ake a tia ni uruaki i nanon rooro aika a bati.

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Etekiera 13:5

A aki tuangiia aomata taekan te kangaanga ae e nang roko ke n tuangiia kamaamaten karaoan te bure nako iu.

Etekiera 36:33

Ngkana I tia ni kaitiakingkami, N na manga karaoingkami b'a kam na katea ami kaawa akana a urubekebeke ma ni kamaekaingkami iai.

Etekiera 36:4

Ma ngaia ae kam na bane n ongora ngkami aika maunga ao tabuki, raanga n ran ma m'arua, nakon te b'ai ae I karaoia. A na wene n uruaki ami kaawa nako, ao a na bae ni ngare ma ni kamamaaingkami botannaomata nako.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Mika 7:11

Ngkami aika kaain Ierutarem, e a roko te tai are kam a riai iai ni manga katea oon ami kaawa. E na rangi ni buubura riki abami nakon ae ngkai, ngkana e roko te tai arei.