Itaia 58:11 - Te B'aib'ara

¹¹ E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 58:11 ပူးပေါင်းရင်းမြစ်များ

Iobi 5:20

E na kamaiuko ngkana e roko te rongo, ao e na kawakiniko man te mate ngkana e roko te bo ni buaka.

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 107:9

E katoki takaia akana kani moi, ao E kanuaia akana baki ni baika raraoi ake a kang.

Taian Areru 25:9

E kaiririia akana nimamannei n te kawai ae eti, ao E reireiia nanona.

Taian Areru 32:8

E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Taian Areru 33:19

E kawakinia man te mate; Ao E kamaiuia n tain te rongo.

Taian Areru 37:19

A na aki bo ma te kaangaanga ngkana a bubuaka kanoani boong; a na bati kanaia n tain te rongo.

Taian Areru 48:14

Aio aron Atuara n aki toki; E na kairirira n taai nako.

Taian Areru 73:24

Ko kairiirai n am Taeka n Reirei, Ao Ko na m'aneai rimwi nakon te neboaki.

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Taian Areru 92:14

A na teimatoa n uaa e ngae ngkana a kai nikawai, Ao a na teimatoa korakoraia ma mangurorooni baaia.

Taeka n Rabakau 11:25

E na kaniwanganaki te ataataiaomata: Aanga te m'angko n ran, ao ane e na reke iroum boon mwiina te m'angko n ran.

Taeka n Rabakau 13:4

E aoria b'a tao iraua ae kam tangiria, e na bon aki buokingkami teutana te taningaroti, ma e na anganingkami kaniwangam te m'akuri korakora ae e raka i aon are e kam kainanoia.

Taeka n Rabakau 28:25

A kareerekea te kangaanga aomata aika a ti iaiangoia i bon irouia, ma e na teetekeraoi maium ngkana ko onimakina te UEA.

Taeka n Rabakau 3:8

E na kamarurungko te aro aei ao e na anganiko te korakora.

Ana Anene Toromon 4:15

Bon te koburake n ran ngkoe i nanon te nnenaroka, te koburake n ran ae e buubura ae e itiaki, ao te raanga n ran ae e kamarurung man Maungan Reb'anon.

Itaia 27:3

N na kaawakinna Ngai ae te UEA ma n tebotebokia n taai nako. N na teiakinna n te ngaina ma te bong ma ni kaawakinna ma taiani kabuanib'ai.

Itaia 33:16

A na maeka n taian nono aika a mena i aoni b'aa aika a rietaata, ao a na kang am'arake ao nimaia te ran.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 44:4

A na bwebwerake kaanga taiani uteute ke kaai aika wiiro aika a mena i rarikin taiani karaanga n ran.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Otea 13:5

I tararuaiko n te rereua are e rangi ni b'atakataka.

Ioane 16:13

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 7:38

Ane onimakinai, ao a na raanga nako karaanga n ran ni kamaiu mai nanona, n ai aron taekana n te B'aib'ara.”

Te Tua-Kaua 15:4

Bon akea ae na kainano mai buakoia Iteraera. E na anganingkami te aba aei te UEA ae Atuami, ao E a tia ni berita b'a E na katetekeraoingkami, ngkana kam ongotaeka nakon ana Tua ma ana Reirei aika I anganingkami n te bong aei. Kam na anga ami m'ane b'a a na tangoaki irouia botannaomata aika bati, ma kam na aki tangom'ane mairouia. Kam na tautaekaniia botannaomata aika bati, ma a na aki tautaekaningkami.

1.I-Tetaronike 3:11

E na kairira nako imi te Atua ae Tamara ma ara Uea are Iesu;