Itaia 58:10 - Te B'aib'ara

¹⁰ Anga kanam nakoia akana a baki ao kaawakiniia akana akea aia auti. Ao ane e na oota iai am taura i nanon te roo; A na riki b'a kaanga te tawanou am aoa aika a rangi n rootongitong.

Itaia 58:10 ပူးပေါင်းရင်းမြစ်များ

Iobi 11:17

E na oota riki maium nakon ootan te tawanou, ao a na oota kaanga te kaarangaina aoan maium ake a rangi n rotongitong.

Iobi 31:31

A bane n ataia aomata ake a m'akuri i rou b'a I teimatoa ni bubutim'aia iruwa.

Taian Areru 112:4

Ai aron te oota ngaia ae oota n te roo i bukiia akana raoiroi; E b'ab'aina te nanoanga ma te ataataiaomata ma te eti.

Taian Areru 37:6

E na kaota raoi koauan ae akea am bure, kanga ai aron itiakin ootan taai n te tawanou.

Taian Areru 41:1

A kab'aia akana mutiakiniia akana akea aia b'ai; E na buokiia te UEA ngkana a reke n te kaangaanga.

Taeka n Rabakau 14:31

Ngkana kam karaoa ae e aki riai nakon te aomata ae e maiu ni kainano, ao kam bon kamamaaea iai te Tia Karikib'ai; ma ngkana kam akoia, ao kam bon kaota iai karineana.

Taeka n Rabakau 28:27

E na kaawakiniko man te maiu ni kainano te angab'ai nakoia aika a maiu ni kainano, ma ngkana ko kamatuua matam nakon kainanoia ao ane a na kamaraiako aomata ni kabane.

Itaia 29:18

Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 42:16

N na kairiia aomata i aon taiani kawai aika a tuai atai; N na kaawakiniia i nanon te kawai aika a tuai man tootoua. E roo kawaia ao e aobuaka, ma n anga te oota b'a a aonga n aki toki waeia. Bon aei au berita ae e matoa.

Itaia 60:2

A rabunaki aonnaba ma aomatana n te roo, ma e oota nako ootan te UEA i aomi.

Etekiera 18:16

E aki konaa ni burebureia aomata ke ni kimoa temanna ao e aki tangira te b'ai ni kakoaua i bukin te roun. E angaanga te kunnikai nakoia aika a maiu ni kainano

Tekaria 14:7

Ao E a tia ni baaireia te UEA te tai are e na koro iai bukina-tain te bong ae akea tokina aei.

Tekaria 6:15

A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Te Tua-Kaua 15:4

Bon akea ae na kainano mai buakoia Iteraera. E na anganingkami te aba aei te UEA ae Atuami, ao E a tia ni berita b'a E na katetekeraoingkami, ngkana kam ongotaeka nakon ana Tua ma ana Reirei aika I anganingkami n te bong aei. Kam na anga ami m'ane b'a a na tangoaki irouia botannaomata aika bati, ma kam na aki tangom'ane mairouia. Kam na tautaekaniia botannaomata aika bati, ma a na aki tautaekaningkami.