Itaia 57:3 - Te B'aib'ara

³ Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Itaia 57:3 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Itaia 1:21

Ierutarem, ti te bo ngkoe ma te ainenum'a ae e aki kakaonimaki. A rangi n raoiroi ngkoa am taani Motikitaeka ao a maiuakina te raoiroi am aomata; ngkai ko a riki b'a te kaawa ae e buubura ae e on irouia taan tiriaomata.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 48:16

Kaaniko ao kakauongo! I tuai man karabai b'aai aika I a tia n taekin, ao I a kaman mena ikai i m'aain waakin te tai. E a tia ni kanakoai te UEA ae te Atua ni m'aakan te Tamnei are Raoiroi.

Itaia 57:7

Kam a tia n taakin ami kainiwene i aon taubukin maunga aika a rietaata, ike kam angakarea iai nakon taian bouannanti.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Ieremia 3:6

Ngke e uea Iotia ao E taku te UEA: Ieremia, te abanuea are Iteraera ma te ainenum'a ae e aki kakaonimaki are e a manga riki b'a te aine ae ainen matawa i aon taian tabuki ao i aan nuun taiani kai aika a korakora.

Ieremia 3:9

E bon aki raraoma te abanuea are Iuta ngkai e riki b'a ainen matawa, ao e aki tabe naba ngkai e kabuakaka rab'atana ao te aba n ana m'akuri n taromaurii taian bouananti aika a karaoaki n taian atiibu ao taian kai.

Otea 1:2

E taku te UEA, “Otea, e a tia Iteraera ni keweai kaanga te ainenum'a ae e aki kakaonimaki. Ko na iein ma te aine temanna ao karika natim i rouna.”

Otea 2:4

A riki natim man uaan ana aki kakaonimaki, ao N na aki nanoangaiko.

Otea 2:6

Ngai ae te UEA, N na karaoa te oo ae kateketeke ni kaina kawaina.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 12:34

Ngkami aika buniia naeta! A na kanga n raraoi ami taeka, ngkai kam buakaka? B'a e taetae te wii man onraken te nano.

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mataio 23:33

Ngkami aika naeta, aika buniia naeta aika kamamate, kam na kanga ni kamaiungkami mani motikan taekami are kam na karawawataki iai i Keenna?

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ruka 3:7

E taku ngkanne Ioane nakoia te koraki n aomata aika bati ake a roko b'a a na b'abetitoaki i rouna, “Ngkami aika buniia naeta!” Antai ae tuangngkami b'a kam na biri nako man te rekenikai ane nangi roko?

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.