Itaia 57:16 - Te B'aib'ara

¹⁶ au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 57:16 ပူးပေါင်းရင်းမြစ်များ

Karikani B'aai 6:3

Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

Iobi 12:10

Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Taian Areru 85:5

E na teimatoa unim iroura n aki toki? E na aki kona n toki unim?

Te Minita 12:7

Ma ngaia are, a manga oki rab'atara nakon te tano, ao te ikeike ni maiu e na okira te Atua.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 64:8

bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 3:5

kam butiai b'a N na katoka uniu, ma kam aki katoka karaoan te bure.

Ieremia 38:16

Ao e taku, I tuea n aran te UEA ae E maiu ae te Tia karikib'ai b'a I aki tangiria b'a ko na tiringaki. Bon akea temanna ae e konaa n ongo te b'ai ae ti taekinna, ao akea temanna ae I tuangnga b'a e na tiringko.”

Etekiera 18:4

Bon au b'ai maiuia aomata ni kabane, kaaro ao ai uana naba ma naati. Bon ti aika a bure aika a riai ni kamateaki.

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Tekaria 12:1

Aio te rongorongo mairoun te UEA i bukin Iteraera: Bon te UEA Ngai! I arora nako taiani karawa; I kaaki te aonnaba i aon aana ao I anga te ikeike ni maiu nakoia aomata.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Ebera 12:9

I rarikin aei, bon iai tamara aika taman rab'atara, aika reireira ni kaeti arora, ao ti karineia; ao tiaki e raoiroi riki b'a ti na anga ngaira nakon Taman tamneira, ao ti na maiu?