Itaia 57:15 - Te B'aib'ara

¹⁵ E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 57:15 ပူးပေါင်းရင်းမြစ်များ

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

2.Rongorongo 34:27

Ko bon raeuai naba kunnikaim i bukin rawaawatan nanom ao I ongo tangim.

Iobi 22:29

E kab'akaia aika kainikatonga te Atua, ao E kamaiuia aika nanorinano.

Iobi 6:10

Ngkana I ataia b'a E na karaoa aei, ao N na bon kibakibarake ni kukurei, I aki tabe ma korakoran marakiu. I ataia b'a E tabu te Atua; I bon tuai man kakaitarai Ana babaire.

Taian Areru 111:9

E kainaomataia ana botannaomata, ao E karaoa ana boraraoi ma ngaiia ae teimatoa n aki toki. Moan te tabu Ngaia ao E korakora!

Taian Areru 115:3

E mena Atuara i karawa; ni karaoa ae E bon taku.

Taian Areru 123:1

Te UEA ao Atuara, I tararake n taraiko, i aon am Kaintokanuea i karawa.

Taian Areru 138:6

Ko boni ngae ni mena i eta ike rietaata, ma Ko bon tabeakiniia naba akana nanorinano, Ao a aki kona n raba mairoum akana kainikatonga.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 147:3

E kamaiuia akana uruaki nanoia, ao E kabae ikoakiia.

Taian Areru 34:18

E kaan te UEA ma akana a b'ara nanoia, ao E kamaiuia akana uruaki nanoia.

Taian Areru 34:19

A bati baika e karawaawataaki iai te aomata ae e raoiroi; Ma E kamaiua te UEA mani baikanne ni kabane.

Taian Areru 51:17

Au karea bon te tamnei ae nanorinano, Te Atua; Ko aki riba te nano ae uruaki ae raraoma.

Taian Areru 51:19

Ao Ko a tib'a kukurei iai ni karea aika riai, Ao ane a na kareani kaom'aane i aon am baonikarea.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Taian Areru 90:2

I m'aini karikani maunga iroum, Ngke Ko tuai ni karika aon te aba ma aonnaba, Ao bon te Atua Ngkoe ma ngkoangkoa ao n aki tootoki.

Taian Areru 93:2

Te UEA, ai kaman iai m'aakam man te tai are Ko kariki iai b'aai, Ao kaman iai Ngkoe ma ngkoangkoa i m'ain rikin b'aai.

Taian Areru 97:9

Bia Ngkoe, te UEA, Ko tautaeka i aonnaba ni bane; Ko rangi ni kakannato nakoia anti ni kabaneia.

Taian Areru 99:3

Ke a karaoiroa arana ae kakannato ma ni kakamaaku aomata nako. Moan te tabu Ngaia!

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Te Otinako 15:13

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Te Otinako 15:18

Te UEA Ko na riki b'a te UEA n aki toki.”

Te Otinako 40:34

Ao i mwiina ao e a rabuna te Um'antabunrianna ike E memena iai te UEA n te nang, ao e kaona nanona raaititin te UEA.

Te Otinako 40:35

Ao e aki konaa n rin nako Moote nako nanon te Um'antabunrianna i bukin aei.

Taeka n Rabakau 16:19

E raoiroi riki ngkana kam nanorinano ao kam kainano nakon ae kam na kaub'ai mani b'aai aika kam anai ma te kairoro.

Taeka n Rabakau 8:23

I karikaki ngke e moan karikaki b'aai, i m'aain rikin te aonnaba, i m'aain b'aai nako.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Itaia 33:5

Boni Ngkoe te UEA, i aoia atua ni kabane, ao ko maeka n taian karawa. Ao ko a tia ni karokoa te eti ao te eti nako Ierutarem;

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 52:13

E taku te UEA: E na tootokanikai au tia m'akuri! E na anganaki taian nebonebo aika a kakannato ao taian karinerine aika rangi n rietaata.

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

B'aeb'aeti 3:41

Ti na kauki nanora nakon te Atua are i karawa ma n tataro nakoina.

Etekiera 16:63

N na kab'araa am bure, ma ko na riai ni iangoi am bure ma ni mamaa iai n te aro are ko na aki kakarongoa. Bon aei au taeka Ngai ae te UEA.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Taniera 2:11

Te uea ae ko karineaki, boni moan te matoatoa te b'ai ae ko titiraki iai n te aro are bon akea ae e kona ni karaoi ma ti anti aika a aki mamaeka i buakoia aomata.

Taniera 4:17

Aio ana babaire te anera are e b'aina te tatauraoi. Ma ngaia are, a na bane aomata n ataia b'a E m'aaka te Atua ae moan te m'aaka i aon abanuean te aomata, ao E kona n angan ane E bon taku, n ai aroia aika rangi ni mangori.’

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 6:9

Aio ngkanne aron ami tataro: ‘Tamara are i karawa, E na tabuaki aram,

Ruka 1:49

B'a E a tia Teuare M'aaka ni karaoi baika ab'ab'aki i buku, moan te tabu arana.

Ruka 4:18

“E mena Tamnein te Uea i aou, i bukina b'a e a tia n rineai b'a N na tataekina te rongorongo ae raoiroi nakoia akana aki kaub'ai. E kanakoai b'a N na tuangiia ake a riki b'a taenikai kainaomataia, ao ake a mataki b'a a na manga noraba, ao ni kainaomataaki ni kabane ake a karawawataki iai,

M'akuri 3:14

B'a kam kakeaa Teuare Raoiroi, are kabanea maiuna i bukin te Atua, ao kam tua b'a kam na anganaki te aomata ae te tia tiritiri,

I-Rom 1:20

B'a a kaman noraki raoi aron te Atua aika aki nonoraki, are m'aakana ae akea moana ma tokina, ma arona n Atua, ma ngke a moa ni karikaki aonnaba; ao a ataaki ni baike E karaoi. Ma ngaia are, bon akea aonaia.

2.I-Korinto 1:4

are E anganira karauan nanora n rawawatara ni kabane, b'a ti aonga ni karau nanoia akana taonaki n rawawata nako, n te aro ni karaunano are e a tia ni karauaki nanora iai iroun te Atua.

2.I-Korinto 2:7

ma ngaia ae kam bon riai ni kab'ara ana bure ma ni karaua nanona, b'a e kawa teuanne ni b'ara nanona n rawawatana ae bati.

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.

Te Kaotioti 4:8

Ao baike a maiu ake aman, kaka oneai baiia ni kibakiba, ao a buta aon rab'ataia ni katobibiaki ma aani baiia ni maata; ao a aki toki n anene ni ngaina ao ni bong, ni kaangai: “E tabu, E tabu, E tabu te Uea ae te Atua ae Moan te M'aka, ae bon iai ngkoa, ao iai ngkai, ao iai n rimwi n aki toki.”

1.Tamuera 2:2

Bon akea riki te atua n ai arom. Ao mai rouna ti a kamaiuaki nakon aon te maunga.