Itaia 57:14 - Te B'aib'ara

¹⁴ E taku te UEA, “Kaitiaka te kawai! Katauraoia i bukiia au aomata.”

Itaia 57:14 ပူးပေါင်းရင်းမြစ်များ

Taian Areru 68:4

Kam na anene nakon te Atua, kamoamoa arana; Katauraoa kawaina are toka i aon taian nang. Ao arana bon te UEA (Iah) kim'areirei ni menana i buakomi!

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 40:3

E taakarua temanna ni kaangai, “Kaitiaka te kawai i nanon te rereua! Karaoa te kawai ae e eti i bukin te UEA ae te Atua.

Itaia 49:11

N na kaboraoi taiani maunga ao ni karaoi taiani kawai;

Itaia 62:10

Kaain Ierutarem, kauki mataroan ami kaawa nako! Manga karaoa te kawai nakon te kaawa ao kaitiakia ni kanakoi taian atiibu; irakea te man ni buokiia botannaomata b'a a aonga n noora kawaia.

Ieremia 18:15

Ma kam a tia n rairaki nako mairou ngkami Au aomata ngke kam kabuoki taian b'ai ni kaboiarara nako ia bouannanti aika akea manenaia. Kam a tia ni kiitana te kawai nikawai ma n ira te kawai ae e aki ataaki ike a na toki waemi iai n taian bouannanti.

I-Rom 14:13

Ma ngaia ae ti na katoka arora ae te i-kabuakaka, ao ti na karekea ara baire b'a a na akea ae na kaaki te b'ai ni katatata ke ni kab'akab'aka i matan tarina.

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

1.I-Korinto 8:13

Ma ngaia aei, ngkana e na riki te am'arake b'a te b'ai ni kab'akab'aka nakon raou n onimaki, ao N na bon aki manga kang irikomaiu, b'a I kawa n riki b'a te b'ai ni kab'akab'aka nakon tariu.

1.I-Korinto 8:9

Ma kam na tarataraia b'a e na aki riki inaomatami aei b'a te b'ai ni kab'akab'aka nakoia akana mamara n te onimaki.

2.I-Korinto 6:3

Ti aki kani karika te aro ni kab'akab'aka nakon temanna, b'a e kawa ni kabuakakaki ara m'akuri i bukin te euangkerio.

Ebera 12:13

ao nakonako i aoni kawai aika eti, b'a e aonga n aki tiba nako toman riin te bubua ni wae are mamara, ma e na riki ni marurung iai.