Itaia 57:11 - Te B'aib'ara

¹¹ Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 57:11 ပူးပေါင်းရင်းမြစ်များ

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taian Areru 78:36

Ma bon taiani kewe aia taeka nako; Akea te koaua ni baike a taekin.

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

Te Minita 8:11

Ngkana ti nooriia aomata aika buure ma buakaka b'a a teimatoa ni kaakaraoa te bure ao a aki katuaaeaki, ao e na kairiira b'a ti na kani kaakaraoa naba te bure.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 42:14

I a tia n tautaua marakin nanou n te tai ae e maan Ngai ae te UEA; ao ngkai N nang takaarua mani ngirangira kanga te aine ae e ariri ni bung.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 47:7

Ko taku n am iango ko na riki b'a te ueanaine n aki toki. Ko aki tabe ma te b'ai ae ko a tia ni karaoia; ko bon aki roko n te uringnga ae ko na manga m'ane.

Ieremia 2:32

E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Ieremia 38:19

Ao e kaeka Tetekia, “I bon aki konaa n taenikai nako ia kaain B'aburon. I bon rangi ni maakuia taiani Iutaia ake a kaman reitaki ma ngaiia. B'a ane a na anga ngai kaain B'aburon nako ia taiani Iutaia akanne, ao a na bae ni kamarakai.”

Ieremia 42:20

Kam buubutiai b'a N na tataro ma ni karekea nanon te UEA ae Atuara b'a tera ae e tangiria b'a ti na karaoia, ao kam berita b'a kam na ongotaeka i Rouna. Ma bon te bure ae e moan te kakamaaku te b'ai anne,

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Otea 11:12

E b'anga ni kewe Iteraera nako iu, Ngai ae Atuaia ae kakaonimaki ma n tabu; a otab'aniniai n aia kewe, ao e taromauri anti tabem'aang Iuta.

Mataio 25:25

ma ngaia are I maaku, ao I nako ni karaba am tarena i aantano. Noria, ao aei am b'ai!”

M'akuri 5:3

E taku Betero nakoina, “Anania, e aera ngkai e anaaki nanom iroun Tatan b'a ko na kewe nakon te Tamnei are Raoiroi, ao b'a ko na taua teutana man te m'ane are boon te aba?

2.I-Tetaronike 2:9

E na roko te tia ri aon te tua ma m'aakan Tatan ao e na karaoi taiani kanikina ma kamimii ni kewe.

1.Timoteo 4:2

aika nako mairouia taani kewe aika m'am'anaa te aba, aika mate mataniwin nanoia b'a kanga mwini kabuokaia n te biti ae kabuebue;

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.