Itaia 57:1 - Te B'aib'ara

¹ A uaakinaki nako ma n tiringaki ana Aomata te Atua aika a kakaonimaki, ao bon akea temanna ae e tabe iai. A kamaunaaki n te buakaka,

Itaia 57:1 ပူးပေါင်းရင်းမြစ်များ

1.Uea 14:13

A na bane Iteraera n tangitang i bukin matena. Ma e na bon riki ngaia b'a te kabanea n aomata mai i buakoia ana utu Ieroboam ni karaoaki raoi te taunimate i bukina, i bukina b'a bon ti ngaia ae E kukurei te UEA ae Atuan Iteraera i rouna.

2.Uea 22:20

Ma ngaia are, N na karaoiko b'a ko na mate ma te rau, i m'aain kamaunaan te tabo aei. Ao a nako m'aane akekei ao a uota rikaaki ana rongorongo Ureta nakon Iotia.

2.Rongorongo 32:33

Ao ngke e a mate Etekia, e taunaki ni m'akoron ruanimateia uea are e kaokoroaki i bukiia uea aika a rangi ni karineaki, ao a bane kaain Iuta ma Ierutarem ni karinea. E a manga uea natina te m'aane are Manate i mwiina.

2.Rongorongo 34:28

Ma ngaia are, i m'aain ae I kamaunaa te tabo aei, ao n na tataninga moa matem ma te rau.” Ao a nako m'aane akekei ao a taekin b'aai ni kabane ake e taekin Nei Ureta.

2.Rongorongo 35:24

Ao a kanakoa Iotia man ana kanibuaka, ao a katoka n te kanibuaka teuana ae e mena ikekei ao a uotia rikaaki nako Ierutarem, ike e aki maan ao e a mate naba. E taunaki i rarikiia ana bakatibu, ao a bane n tang kaain Iuta ao Ierutarem i bukin matena.

Taian Areru 12:1

Te UEA, buokira! A bane n akea aomata aika raoiroi; ma aika kakaonimaki naba.

Taian Areru 37:37

Kam'ataua raoi taraan te aomata ae e raoiroi ae b'aina te eti: b'a iai ana kariki te aomata ae rau maiuna;

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Itaia 47:11

Ma e na oro te kabuanib'ai n akea te katauraoi ao a na aki konaa ni buobuoki m'aakan am tabunea.

Itaia 47:7

Ko taku n am iango ko na riki b'a te ueanaine n aki toki. Ko aki tabe ma te b'ai ae ko a tia ni karaoia; ko bon aki roko n te uringnga ae ko na manga m'ane.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Ieremia 18:11

Ma ngaia are, kam na ongo irou, ngkami aika kaain Iuta ao Ierutarem! I a tia n iangoia b'a N na oroingkami n te kabuanib'ai, ao N na aki manga bita nanou ni karokoa kam katoka ami bure ma ni moana maiumi ae e raoiroi.

Ieremia 22:10

E a mate te Uea are Iotia, ma kam na aki tang i bukina. Ma kam na tang i bukin natina te mm'aane are te Uea are Ioati are e katikitikaki nakon te kaawa teuana, ao e aki manga oki.

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Mika 7:2

Bon akea nikiran te aomata ae e raoiroi n tiku n te kaawa, akea ae e kakaonimaki nakon te Atua. A bane ni iangoa te kan tiritiri aomata nako. Ai bon te ikam'aam'ane temanna ma temanna i nanon aia kaawa.

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

Warekaia Iteraera 23:10

A maeka n ti ngaiia ma te rau e ngae ngke e rangi ni m'aiti aia aomata ma a aki kumeia botannaomata tabeua. “I kantaningaia b'a n na ongotaeka iroun te UEA ni kabane au bong ni maiu ao I kantaningaia b'a n na mate ma te rau.”