Itaia 56:8 - Te B'aib'ara

⁸ I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Itaia 56:8 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

Taian Areru 106:47

Te UEA ae Atuara, kamaiura, ao kaokira mai buakoia botannaomata, B'a ti aonga n anga ara katituaraoi ma ara nebonebo nakon aram ae tabu.

Taian Areru 147:2

E a kaokaki Ierutarem nakon arona are rimoa iroun te UEA; E a kaokiia ake a tia n riki b'a taenikai.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 54:7

I katinanikuingkami ngkoa, ma ngkai I a manga rab'atiko naba n au tangira ao nanou.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Ioane 11:52

ao tiaki ti i bukiia, ma E na botiia natin te Atua, ake a maae nako, n ti teuana.

Ioane 7:35

A taku I-Iutaia ngkanne i bon i rouia, “E nga te tabo ae E na nako iai ngkai E na aki reke iroura? E na nako n aia kaawa I-Erene ike a maeka iai kaain ara botannaomata, b'a E na reireiia I-Erene?

I-Ebeto 1:10

ana baire aei, are E na katia karaoana ngkana e koro raoi bongina, bon te booti b'aai ni kabane aika karikaki, aika b'aini karawa ma b'ain aonnaba, b'a a na reitaki ma Kristo ao a na taraia b'a atuia Ngaia.