Itaia 56:7 - Te B'aib'ara

⁷ N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 56:7 ပူးပေါင်းရင်းမြစ်များ

1.Uea 8:41

Ao i bukin te iabatera ae tiaki raoia kaain am botannaomata ae Iteraera ae e roko ni maeka n te aba i bukin aram,

Taian Areru 2:6

“I a tia ni kamaekaa au king i Tion, are au Maunga are Tabu.”

Te Otinako 28:38

b'a e aonga ni konaa ni katokaa i aon ram'ana. E kaotaki n aei b'a e na katokaa i aona aia bure nako Iteraera ake a tia ni karaoi n aia tai n anga b'aintangira nako Iu, ao N na kab'arai aia bure iai.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 19:19

E na kateaki te baonikarea i bukin te UEA i nuukan Aikubita; ao e na kateaki te baangota i bukin karineana i aon tian te aba.

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 25:6

E na katauraoi am'arake aika a rangi n raraoi te UEA ae Moan te M'aaka i bukin te baka n am'arake i bukiia botannaomata. A na kabutaki wain aika a rangi n raoiroi ao iriko ni man aika kabanea n tamaroa.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 57:13

Ko na bubutiia am bouannanti akanne b'a a na buokiko ngkana ko a reke n te kangaanga. Taratara raoi, e ti ukaki teutana n angin te wii ao e a ubaranako naba. Ma ngkana ko nako mai nako iu ni kamanoko irou, ao e na riki te aba aei ao au Maunga ae e Tabu aei b'a am b'ai n aki toki.

Itaia 60:11

A na uki mataroan am kaawa n te ngaina ma te bong b'a aonga n rin taan tautaeka man botannaomata nako ngkana a kairiia aia aomata nakoim ma kaub'aia ni kabane.

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Ieremia 7:11

Bon taan iraa ngkami, ao kam karika au Tembora b'a te tabo ni karaba. Ma I a tia n noori b'aai ni kabane aika kam a tia ni karaoi.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 47:22

E na riai ni b'ainaki irouia Iteraera ao ianena aika a maeka i buakoia ake a bungiaki natiia i Iteraera. A riai n aranaki ianena aikai b'a bon Iteraera, ao e na reke naba

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 21:13

E taku nako ia, “E koreaki ae kangai, ‘E na atongaki au auti b'a te auti n taromauri.’ Ma kam karaoia b'a nneia taani kimoa ni karabaia!”

Mareko 11:17

E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”

Ruka 19:46

ao E taku nako ia, “E koreaki ana taeka te Atua ae kangai, ‘E na riki au auti b'a te tabo n taromauri.’ Ma ngkami kam a tia ni karaoia b'a nneia taani kam'arua ni karabaia!”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.