Itaia 56:5 - Te B'aib'ara

⁵ Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 56:5 ပူးပေါင်းရင်းမြစ်များ

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 43:7

Bon au aomata I karikiia n tatabemaniia nako b'a a na karineai.”

Itaia 48:19

A na kakab'aiaki am botannaomata n anganaki riki ana aomata ae kaanga te uita ao te bike. Ao N na aki manga kariaia b'a e na manga kamaunaaki abami.

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 66:20

A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Ioane 1:12

Ma iai ake a m'aneia n akoia, ao a onimakinna. E angania aomata akanne te kona n riki b'a natin te Atua,

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Te Kaotioti 3:5

Ane tokanikai ao e na kunnikaia ni kunnikai aika mainaina; ao N na bon aki kamaunaa arana man te boki ni maiu arei, ao N na kaotia b'a bon au aomata i matan Tamau ao i mataia ana anera.

1.Tamuera 1:8

Ao e titiraki Erekana ao e taku, “Anna, e aera ngkai ko a tang? E aera ngkai ko aki am'arake? E aera ngkai ko a bon rangi ni karawawatako? Ti aki I raoiroi riki i roum nakoia naati m'aane aika tengaun?”