Itaia 56:10 - Te B'aib'ara

¹⁰ Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 56:10 ပူးပေါင်းရင်းမြစ်များ

2.Uea 12:6

Ma a aki roko n te kakaraoa te onob'ai n te Tembora ibonga, ma ngaia are, n ana ka uabwi ma tenua n ririki n uea Ioati,

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 29:9

Kam na tiaoki ao kam na ntongitong, ngkami aika burabeti! Ao e na aki oota raoi ami taratara. Kam na koro ni manging mani bebebebe, ma tiaki mwiin te wain.

Itaia 52:8

Baane anene ao kukurei ngkami aika kam tei n taratara! Nooria, kam a konaa n noora te UEA n okira Tion.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

B'aeb'aeti 4:14

A titibaua aia taan kairiiri i nukan te kaawa n ai aroia matakii, ao a makunakuna n te raraa n te aro are bon akea ae kan tangiriia.

Etekiera 13:16

i bukina ngke a berita nakoia au aomata b'a e na reke te rau. Bon aei au taeka Ngai ae te UEA.

Etekiera 33:6

Ao ngkana e noora rokon te kairiribai te tia taratara ao e aki katanga te kanikina, ao e na roko te kairiribai n tiringiia koraki aika akea aia bure, ma N na kataua te tia taratara are e bukintaeka ni mateia aomata.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Naum 3:18

Te Emberoa n Aturia, a mate am mataniwi, ao a matunako am aomata aika a kakannato n aki manga uti. A uamaae nako am aomata i aon maunga, ao akea temanna ae e na kaokiia riki nakon mwengaia.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

I-Biribi 3:2

Kam na kawakiningkami mairouia te koraki aika karaoi baika bubuaka, aika te koraki aika ai aroia kamea, aika tangira te rab'ata b'a e na kaikoakaki ni korokoreaki.