Itaia 55:8 - Te B'aib'ara

⁸ E taku te UEA: “Tiaki ti te arona au iango ma arou nako ma ngkoe.

Itaia 55:8 ပူးပေါင်းရင်းမြစ်များ

2.Tamuera 7:19

ma e ngae n anne, Ko a tia ni berita b'a ko na karaoa riki ae e m'aiti. Bon aei arom ae e ko kaakaraoia nakoia am aomata?

2.Uea 5:11

Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

Iobi 35:5

Tara karawa! Noori rietaatan taian nang!

Taian Areru 25:10

N ana kakaonimaki ma ana tangira E kaiririia ake a kawakina ana boraraoi ma akana ongeaba nakon ana tua.

Taian Areru 33:11

Ma a teimatoa n aki toki ana baire, Ao a aki kona ni bibitaki.

Taian Areru 40:5

Te UEA ae Atuara, a bati am M'akuri aika kamimii aika Ko karaoi i bukira: bon akea n ai arom! A bati am Iango aika kamimii i bukira; I aki konai n taekin ni kabane: A m'aiti riki nakon aika konaaki ni warekaki!

Taian Areru 92:5

Te UEA, ai kamakuraa am M'akuri! ao ai nanora am Iango nako!

Taeka n Rabakau 21:8

A bane ni kewetaia taan aonikai, ma a na boni karaoa ae e raoiroi akana akea aia bure.

Taeka n Rabakau 25:3

Antai ae e konaa raoi n ataa ana iango te tia tautaeka? A rooti tinanikun karawa ao a ruorikaaki nako kabin aonnaba.

Itaia 14:24

E a tia ni karaoa te berita aei te UEA ae Moan te M'aaka: A na koro bukin b'aai nako aika a I a tia ni baairei n aron are I taekinna.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Itaia 66:18

I ataia b'aai ni kabane aika kam karaoi ao aika kam iangoi! E a roko ngkai te tai are a na ikotaki iai aomata nako aika a kakaokoro aia taeka ao botannaomata nako ni kaota nakoia mimitongiu

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Etekiera 18:29

Ma kam bon taku naba b'a I aki karaoa ae e eti. Bon ngkami aika kam karaoa te kaairua ao kam aki karaoa ae e eti!

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”